Үөрэнээччилэргэ күһүҥҥү сынньалаҥ кэмэ саҕаланан араас тэрээһиннэр ыытылла тураллар. Амма Наахара нэһилиэгин «Түмэн» сынньалан киинигэр «Битва поколений» диэн ааттаах эдэр ыччаттарга уонна үөрэнээччилэргэ көрдөөх оонньуу ыытылынна.
Күрэҕи нэһилиэк спортка инструктора Мария Заборовская уонна «Түмэн» сынньалан киин уус-уран салайааччыта Светлана Захарова толкуйдаан, иилээн-салайан ыыттылар. Уон көрдөөх оонньууга өй-санаа сааһыланыыта, уоскуланнар бириэмэтигэр тобуллубуттар.
Манна ырыаны таайыы, смайликтарынан көстөр киинэлэри уонна мультиктар ааттарын этии, фобияны таайыы курдук түһүмэхтэр сүргэни көтөҕөр гына ыытылыннылар. Ыччаттар «Монстры на каникулах» хамаандаҕа 8 уонна үөрэнээччилэр «Орлы» хамаандаларыгар 12 үөрэнээччи кытынна. Оонньуу тэҥнэһиинэн түмүктэннэ. Оҕо, ыччат култуура кииннэригэр сылдьан кэрэҕэ, үтүөҕэ эрэ талаһан баай билиилээх, төрөөбүт дойдуга тапталлаах, өй-санаа өттүнэн толору ситэн киэҥи толкуйдуур буолан тахсан өрүү сырдыгынан сыдьаайа сырыттыннар. Ханна да тиийдэллэр култуураларын таһыма үрдүк, бэйэлэрэ олоххо актыыбынай көрүүлээх сахабын дэнэр ыччат дьон буола үүннүннэр.