Балаҕан ыйын бүтүүтэ Социалистическай Үлэ Геройа П.И. Яковлев аатын сүгэр орто оскуолаҕа биир долгутуулаах, инники үлэ хаамыытыгар улахан сабыдыаллаах быыбар буолан ааста. Учууталлар уонна үөрэнээччилэр үс кандидаттан оскуола лидерэ буоларга сөптөөх киһиэхэ куоластарын биэрдилэр.
Балаҕан ыйын 28 күнүгэр Амма Наахара орто оскуолатын лидерин талыыга 3 кандидат – 10 кылаас үөрэнээччилэрэ Ай Куо Унарова, Виссарион Тарский уонна 11 кылаас үөрэнээччитэ Сандал Павлов турдулар. Быыбарга уопсайа 86 үөрэнээччи уонна учууталлар куоластааннар баһыйар улахан, ол эбэтэр 39 куолаһы Сандалга биэрдилэр. Кини оҕолор үчүгэйгэ, сайдыыга сирдиир лидер буолуо дии саныыбын. Үлэтигэр үгүс ситиһиилэри баҕарабын.
Амелия Алексеева, Амма Наахара “Аартык” медиакиинин эдэр корреспондена.