Алтынньы 4-14 күннэригэр “Амма олоҕо” хаһыакка чэпчэтиилээх сурутуу почта бары салааларыгар уонна эрэдээксийэ дьиэтигэр ыытылла турар. Сурутуу хампаанньатын чэрчитинэн саха тыллаах таһаарыылар туох суолталаахтарын, “Сахабэчээт” таһаарар бородууксуйаларын туһунан бөдөҥ медиахампаанньа салайааччыта Ньургуйаана Стручкова кэпсиир.
Тутуу – олохпут кэскилэ. Ааспыт нэдиэлэҕэ Бөтүҥ нэһилиэгэр “Доруобуйа” национальнай бырайыак чэрчитинэн саҥа врачебнай амбулатория тутуллан үлэҕэ киирбитэ. Бу туһунан хаһыат бастакы балаһатыгар шеф-эрэдээктэр Елена Александрова суруйуутугар ааҕаарыҥ.
Амма улууһун 14 нэһилиэгиттэн Чакыр соҕотох өрүс уҥуор олохсуйбут нэһилиэгинэн биллэр. Олохтоохтор күһүн, саас өрүһү туоруурга кэккэ ыарахаттары көрсөллөр. Ас-үөл, эмп-томп аҕалыыта, онтон даҕаны атын кыһалҕа элбэх. Ону өйдөөн улуус дьаһалтата, баһылык Степан Кузьмин үп көрөн, Чакыр нэһилиэгин баһылыгын солбуйааччы Иннокентий Тарасов Иркутскай уобалаһы кытта ыкса үлэлэһэн, алтынньы 4 күнүгэр аэролодка Амма өрүс кытылын булан, ити күнтэн үлэтин саҕалаата.
Баһыл сайын улуус баһылыгын социальнай боппуруостарга солбуйааччы Нюргуяна Илларионова оскуолалары мэтээллээх бүтэрбит үөрэнээччилэри кытта көрсөн оскуолатааҕы сылларын, хайдах үөрэннэххэ мэтээл ылыахха сөбүн, сөбүлүүр идэлэригэр туттарсалларыгар хайдах бэлэмнэммиттэрин туһунан кэпсэппитэ. “Эн саастыылааҕыҥ” диэн рубрикаҕа Л.В. Киренскэй аатынан лиссиэйи быйыл бүтэрэн, билигин Хотугулуу-Илиҥҥи федеральнай университет медицинскэй институтун устудьуона Күннээйэ Рязанская ыалдьыттыыр.
Биир кэлим эксээмэни ситиһиилээхтик туттарарга, үрдүк рейтиннээх үөрэххэ киирэргэ бэрээдэк, күҥҥүн сатаан аттаран туруоруу, былааннааһын улахан оруоллаах. Дисциплина наада. БКЭ сорудахтара сылтан сыл улаханнык уларыйбат буоланнар эрдэттэн бэлэмнэнэргэ үчүгэй курдук. Манна эбэн, БКЭ туттарар оҕолорго сүбэлиэм этэ – эксээмэн диэн дьон бары ааһар түһүмэхтэрэ, бары туттараллар, эһиги эмиэ туттарыаххыт. Наһаа трагедия курдук чугастык ылынар сатаммат. Ол иһин кытаатын, кэмигэр, уһаппакка-кэҥэппэккэ бэлэмнэннэххэ барыта этэҥҥэ ааһыа, — диэн Күннээйэ сүбэлиир.
Күндү ааҕааччыларбыт!
Чэпчэтиилээх сурутууну мүччү туппакка, улуускут хаһыатыгар сурутаргытыгар ыҥырабыт. 2025 сылга толору суруйтарбыт ааҕааччыларбытыгар Өлүөнэ очуостарыгар путевка оонньонор. Онон дьоллоох түгэни куоттарымаҥ, “Амма олоҕор” сурутуҥ. Дьиэҕититтэн тахсыбакка да олорон 89627312970 төлөпүөҥҥэ эрийэҥҥит эмиэ сурутуоххутун сөп.
Аадырыска диэри сурутуу:
- 1 ый – 111,46 солк.
- 6 ый – 668,76 солк.
- 12 ый – 1348,57 солк.
Почтаттан ыларга:
- 1 ый – 106,93 солк.
- 6 ый – 641,58 солк.
- 12 ый – 1293,14 солк.
Аҕа дойду Улуу сэриитин бэтэрээннэригэр уонна 1-2 группалаах инбэлииттэргэ сурутуу:
Аадырыска диэри:
- 1 ый – 102,36 солк.
- 6 ый – 614,16 солк.
- 12 ый – 1237,06 солк.
Почтаттан ыларга:
- 1 ый – 98,74 солк.
- 6 ый – 592,44 солк.
- 12 ый – 1192,71 солк.
Редакцияттан ыларга сурутуу:
- 1 ый – 92 солк.
- 6 ый – 554 солк.
- 12 ый – 1109 солк.
Манна даҕатан эттэххэ, “Амма олоҕо” хаһыат “Сандалы” маҕаһыыҥҥа уонна эрэдээксийэ дьиэтигэр Ленин уулусса 15 нүөмэригэр атыыланар. Манна урукку да, билиҥҥи да хаһыаттар атыыга бааллар. Кэлиҥ, сылдьыҥ, атыылаһыҥ.
Вера ИВАНОВА.