Тутуу – олохпут кэскилэ. Быйыл улууска Соморсун уонна Алтан нэһилиэктэригэр култуура дьиэлэрэ, Мээндигигэ оскуола спортивнай саалата, улуус киинигэр поликлиника, Амма уонна Алтан нэһилиэктэригэр ууну ыраастыыр станциялар, “Стадион” хочуолунай тутуулара ыытылла тураллар.
Хаһыат бастакы балаһатыгар бэлиэ күннэри сэргэ СӨ Бырабыыталыстыбатын бэрэссэдээтэлин маҥнайгы солбуйааччы Дмитрий Садовников салайааччылаах хамаанда Амма, Соморсун, Мээндиги, Алтан нэһилиэктэригэр ыытыллар улахан тутуулар хаамыыларын билистэ.
Оройуон үрдүнэн оттук сезонугар бэлэмнэниигэ кыһалҕа үөскээбэт эбит буоллаҕына, тутуулар хаамыыларыгар хаалыы баар. Онон сиэттэрэн эппиэттээх дьону кытта кэпсэтии барыа, дуогабарга ыйыллыбыт болдьоххо тутуулар үлэҕэ киирэллэрин ирдиэхпит, — диэн Дмитрий Дмитриевич үлэ сырыытын түмүгүн иһитиннэрдэ.
Иккис балаһаҕа нэдиэлэ сүрүн сонуннара, итиэннэ улууска оттооһун хаамыытын таблицата таҕыста. Атырдьах ыйын 19 күнүнээҕи туругунан улуус үрдүнэн 18413 туонна от охсуллан, 15808,5 туонна от кэбиһиллэн былаан 54,7% туолан иһэр.
Үһүс балаһаҕа Российскай Федерация сенатора Егор Борисов 70 сааһын көрсө Чурапчы улууһугар тэриллибит пресс-десантан бэлиэтээһиннэр киирдилэр. Чуолаан учуутала, кылааһын салайааччыта, саха норуодунай суруйааччыта Василий Яковлев-Далан Егор Афанасьевич олоҕор оруолун, оскуолатааҕы сылларын сырдаттыбыт.
С.А. Новгородов аатынан Чурапчы орто оскуолата. “Дархан кыһата”
Төрдүс балаһаҕа хаһыат кылаабынай эрэдээктэрэ Наталья Бубякина Өлүөнэ очуостарыгар айаныттан суоллааҕы бэлиэтээһиннэрэ таҕыстылар.
Айанныырга бары усулуобуйалаах “Демьян Бедный” теплоход биэрэккэ тиксэр
Туруук хайалар алыптаах көстүүлэрэ
Бэһис балаһаҕа Ленин аатынан холкуос 100 сылынан Людмила Оконешникова аҕатын, Сулҕаччы нэһилиэгин тутаах киһитэ, Кыйык Бүөтүр суолун тэлэн төрөөбүт нэһилиэгин тилиннэрэн, сайдыы суолугар үктэннэрбит Арамаан Кириллин туһунан дириҥ ис хоһоонноох ахтыыта бэчээттэннэ.
Мария Васильевна, Роман Евстафиевич Кириллиннэр
Эбэбит Мария Семеновна, эдьиийбит Анна Евстафиевна, эдьиийбит Гликерия Евстафиевна, ийэбит Мария Васильевна
Аҕабыт Киристэпиэл Махсыымап ыhыаҕар мэльди ыллыыр этэ
Аатырбыт ыанньыксыт Михаил Кутуков ыйдааҕы былаана туоларын дуу, туолбатын дуу, Мичиллэр, Түүйэлэр төһөнү ыылларын, ол үүттэн төһө сүөгэй, арыы кэлиэхтээҕин, төһөнү государствоҕа туттарыахтаахтарын, ханна, хайдах хаачыстыбалаах от оттонорун, ханнык ходуһа отун урут сииллэрин, ханныгы сааскы төрүөххэ хаһааналларын, сүөһү, сылгы хайдах сыл тахсарын барытын эрдэттэн биэс тарбах курдук билэрэ, — диэн Людмила Романовна аҕата сүрдээх сылык, ким тугунан тыынарын, төһө кыахтааҕын, сатабыллааҕын барытын билэрин, төрөөбүт түөлбэтигэр дьиҥнээх хаһаайын буоларын бэлиэтээн суруйар.
Вера ИВАНОВА