Атырдьах ыйын 11 күнүн туругунан сарсыардааҥҥы даннайынан Амма улууһугар ойуур баһаара бэлиэтэммэт. Бу туһунан Амматааҕы ойуур хаһаайыстыбатын диспетчерэ Игорь Шишигин иһитиннэрэр.
“Быйыл баһаартан сезона саҕаланыаҕыттан улууска 18 ойуур баһаара регистрацияламмыта. Баһаардар бары күн бүгүн умуруоруллан тураллар. Бүгүн бэлиэтэнэр буруо бу Бүлүү бөлөх улуустарыгар буолар турар улахан баһаардартан кэлэр. Билигин куйаан күннэр туралларынан тыаҕа аһаҕас уоту туттуу олус сэрэхтээх. Онон тыаҕа сылдьааччылар уоту оттортон туттунаргытыгар сүбэлиибит. Биллэрин курдук өрөспүүбүлүкэҕэ Ил Дархан Ыйааҕынан ураты баһаартан сэрэхтээх буолуу эрэсиимэ биллэриллэн турар”, — диэн этэр Игорь Шишигин.
“Амма олоҕо” хаһыат