31 №-дээх уокурук быыбардыыр хамыһыйатын бэрэссэдээтэлэ Наталья Алексеева иһитиннэрбитинэн Амма-Уус Маайа 31 №-дээх биир мандааттаах быыбардыыр уокуругар Ил Түмэн депутатыгар 5 кандидат турда. Кимнээҕий?
«Билэргит курдук от ыйын 9 күнүгэр Ил Түмэн сэттис ыҥырыылаах Мунньаҕар норуодунай депутатыгар кандидаттары туруоруу түмүктэммитэ. Амма-Уус Маайа 31 №-дээх биир мандааттаах быыбардыыр уокуругар Ил Түмэн депутатыгар 5 кандидат бэйэтин туруорунарын туһунан биллэрдэ. Ол курдук Булгаров Арсен Ромазанович, 1986 с.т., бэйэ туруорунуута, Иванов Максим Николаевич, 1987 с .т., “Справедливая Россия -За правду” партия Дьокуускайдааҕы отделениетынан туруоруллунна, Корякин Александр Иванович, 1965 с.т., “Единая Россия” партия Дьокуускайдааҕы региональнай отделениетынан, Терентьев Станислав Семенович, 1983 с.т., “Новые люди” партия Саха сиринээҕи региональнай отделениетынан туруоруллунна, Филиппов Алексей Алексеевич, 1987 с.т., бэйэ туруорунуута. От ыйын 12 күнүн туругунан кинилэртэн докумуоннарын хомуйан регистрацияҕа Максим Иванович Иванов, Александр Иванович Корякин, Станислав Семенович Терентьев биэрдилэр. Докумуоннары тутуу от ыйын 26 күнүнэн түмүктэнэр. Бэйэлэрэ туруоруммут кандидаттар сөптөөх илии баттааһынын хомуйан туттардахтарына, ол бэрэбиэркэни аастаҕына, регистрацияны барыахтаахтар”, — диэн Наталья Алексеевна быһаарда.
“Амма олоҕо” хаһыат
