Чакыр нэһилиэгэр “Т.А.Б.Ы.С.” диэн талааннары арыйан бастыҥ ыччаты сайыннарар аналлаах, тыыннаах дорҕоону тилиннэрии тула Амма улууһугар маҥнайгы практическай семинар буолан ааста. Семинары тэрийээччинэн РДК-80 бөлөх салайааччыта Юрий Орестов буолар.
Семинарга Соморсун нэһилиэгиттэн «Ыллыктар» бөлөх салайааччыта Белолюбскай Айал Гаврильевич, уус-уран салайааччыта Белолюбская Туйаара Дмитриевна, Абаҕаттан «Эрчим», «Дьүкээбил» бөлөхтөр салайааччылара Захаров Роберт Владимирович, урбаанньыт Кайдалов Николай Спартакович, нэһилиэк баһылыга Семенов Максим Владимирович кэргэнинээн Алена Васильевналыын, Амма улууһун культура управлениетыттан Нестерев Николай Николаевич, ОЙДУО бөлөх салайааччыта, Саха Республикатын үтүөлээх артыыһа Александр Андреевич Ушницкай, РДК-80 бөлөх кытатаччылара Захаров Владимир Николаевич, Валерий Кириллин, Чакыр кулуубун дириэктэрэ Кюннэй Анатольевна Иванова, методист Дария Афанасьевна Лукина, “ТЭТИМ” бөлөх салайааччыта Афанасий Афанасьевич Максимов кыттыыны ыллылар.
Билиҥҥи туругунан Амма улууһун иһинэн үс нэһилиэккэ оҕолор ВИА бөлөхтөрө тэриллэн үлэлии сылдьаллар. Ол курдук, Чакыр нэһилиэгэр -«ТАБЫС», салайааччы — Орестов Юрий Юрьевич, Абаҕа нэһилиэгэр — «ЭРЧИМ», салайааччы — Захаров Роберт Владимирович уонна Соморсун нэһилиэгэр — «ЫЛЛЫКТАР», салайааччы — Белолюбскай Айал Гаврильевич.
Бу күн устата Сутаков Альберт Александрович, Слепцов Павел Викторович, Айаал Гаврильевич Белолюбский, Юрий Юрьевич Орестов оҕолорго практическай маастар кылаас биэрдилэр, баай уопуттарыттан үллэһиннилэр.
Семинар түмүгүнэн инникиллээх былааннар ылылыннылар: улууска «ТАБЫС» түмсүүнү, оҕолорго «ТАБЫС» бэстибээли, хас биирдии нэһилиэккэ кулууп иһинэн оҕолорго ВИА бөлөхтөрүн тэрийии, Амма мелодистарын ырыаларын репертуарга киллэрии, баҕалаах оҕолору 5-с кылаастан үөһээ дьарыктааһын, былааннаах конкурстары, кэнсиэрдэри, фестиваллары тэрийии, “Музыка для всех” программанан култуура уонна үөрэх тэрилтэлэрэ бииргэ үлэлэһэллэрин көҕүлээһин, «ТАБЫС» тэрээһиннэрин улууска культура уонна үөрэх тэрилтэлэрин календарнай былааннарыгар киллэттэрии, нэһилиэктэри кэрийэн тыыннаах доҕуһуол пропагандатын ыытыы, музыка учуталларын кытта ыкса үлэлээһин, онтон даҕаны атын былааннар торумнаннылар.
Семинары түмүктээн кулууп дьиэтигэр олус үчүгэй тыыннаах доҕуһуоллаах кэнсиэр ньиргийдэ. Тэрийээччилэри «Амма нэһилиэгэ» МТ баһылыга Артемьев Михаил Алексеевич эҕэрдэлээн туран ВИА сайдыытыгар 10 000 солк. суумалаах сертификат туттарда. «Чакыр нэһилиэгэ» МТ баһылыга Прокопьев Прокопий Евгеньевич 10 тыыһынчалаах сертификаты 2-Чакыр «Табыс» бөлөҕүн сайдыытыгар туттарда. Ону таһынан тэрээһиҥҥэ улахан көмөнү Армеец Лилия Ивановна, Надежда Кузьмина салайааччылаах “Алмазкредитсервис” тэрилтэ, Алена Васильевна уонна Максим Владимирович Семеновтар дьиэ кэргэттэрэ, Чакырдааҕы “Ньургуһун” уһуйаан коллектива, урбааньыттар Валентина Петровна Нерлова оҥордулар, урбаанньыт Николай Спартакович Кайдалов Харама Хайатыгар «Белый мамонт» сынньанар базатыгар оҕолорго икки күннээх сынньанар путевка анаата.
Дария Лукина.