Аммалар — ат спордун сайыннарыыга өрөспүүбүлүкэ бастыҥнара!

Аҕыйах хонуктааҕыта Руслан Федотов салайааччылаах ат спордун өрөспүүбүлүкэтээҕи федерацията ааһан эрэр сыл түмүктэрин таһаарда.

Ааһан эрэр сылы Амма улууһун ат спордун сайыннарааччылара добуоччу ситиһиилэрдээх түмүктээн эрэллэр. Аҥардас Строд аатынан хаһаайыстыба үлэһитэ Спиридон Тимофеев өрөспүүбүлүкэҕэ сыл түмүктэрин таһаарыыга “Бастыҥ тренер” уонна “Бастыҥ жокей” нноминацияларга миэстэлэспитэ – улахан кыайыы. Бу хаһаайыстыба ыраас хааннаан сүүрүгэ Ламан Леча Саха сирин саамай улахан, күүтүүлээх күрэҕин – Ил Дархан бирииһин ылан өтөрүнэн кэлбэтэх кыайыыны быйыл Амматыгар аҕалбыта. Оттон Анатолий Баишев салайааччылаах “Давидофф” ХЭТ сүүрүк ата Буойун өрөспүүбүлүкэ Бырабыыталыстыбатын бирииһин кыайыылааҕа буолбута.

Саха өрөспүүбүлүкэтин ат спордун федерацията сыл түмүктэрин таһаарар үөрүүлээх тэрээһинигэр Амма улууһа өрөспүүбүлүкэ бастыҥ федерациятын аатын ылыан ылла. Бу – биһиги, ат спордун сэҥээрээччилэр, тарҕатааччылар биир сутурук курдук тутуспутунан, сомоҕолоһон оҥорбут сыралаах үлэбит түмүгэ, барыбыт кыайыыбыт,- диэн Саха өрөспүүбүлүкэтин ат спордун президенэ Руслан Федотов түмүк оҥорор.

“Амма олоҕо” хаһыат.