Аммалар тустуу сезонун арыйдылар

Амма улууһугар тустуу сезонун аһыллыытын тыҥааһыннаах киирсиилэригэр барыта 150 оҕо кытынна. Манна Амма Наахара эдэр бөҕөстөрө эгил-тэгил киирсэммит хас даҕаны мэтээллээх кэллибит.

Амма Наахара тустууктарын быйылгыттан тренербит Максимов Василий Дмитриевич дьарыктаан эрэр. Мин тустуу секциятыгар бэһис сылбын сылдьабын. Сөбүлүүбүн, элбэх оҕолору кытта билсэбин, доҕордоһобун. Тустууга сылдьар мин санаабар, бэйэбэр олус туһалаах.

Оттон улуус киинигэр быйылгы сезоҥҥа аан бастакы ыытыллыбыт күрэххэ Амма Наахараттан сэттиэ буолан кытынныбыт. Түмүккэ Макаров Айтал (3 кыл) — 3 миэстэ, Ефремов Эрхан (8 кыл) — 3 миэстэ, Ефремов Ильдар (8  кыл) — 3 миэстэ буоллулар.

Дима Ефремов, „Аартык“ медиакиин эдэр корреспондена, 8 кылаас.

Читайте дальше