Аммаҕа Преображенскэй собуор протоиерея Павел Слепцов кэлэн барда. Кини ааспыт сыллааҕы сырыытыгар улуус салалтатын кытары көрсөн, Амматааҕы чочуобунаны өрөмүөннүүр туһунан тыл көтөҕөн турар. Кэпсэтии олоххо киирэр чинчилэнэн ону чопчулаһа аҕабыыт Аммаҕа иккистээн кырынна.
Аҕабыыты улуус баһылыгын социальнай боппуруостарга солбуйааччы Нюргуяна Илларионова, “Муниципальнай сакаас сулууспатын” МКУ салайааччыта Николай Новиков, саха сиригэр кырасдааныскай сэрии устуоруйатын Амматааҕы түмэлин саҥа дириэктэрэ Алгыс уола Айантай Байдам уонна таҥара тылын тутуһар урбаанньыт, былырыын эрэ Дьокуускай уонна Ленскэй епархиатын мэтээлин аҕабыыт ытыһыттан ылбыт Михаил Александров көрүстүлэр.
Нюргуяна Ивановна этэринэн, чочуобунаны саҥардар үлэни уонна ону оҥорор үлэһиттэр көлөһүннэрин соболоҥун Ил Түмэн дьокутаата Сергей Ларионов олоччу уйунабын диэн тылын биэрбит. Онон, чочуобунаны өрөмүөннүүргэ туох-ханнык матырыйаал төһө ирдэнэрин илдьиритиһэн сметатын оҥордулар.
Олег Егоров.