Күннүк Уурастыырап аатынан киин бибилэтиэкэ үлэһиттэрэ үлэҕэ ураты, хатыламмат сүүрээннэри өрүү киллэрэллэр. Бу сырыыга норуодунай суруйааччы бэчээккэ тахсыбыт кинигэлэринэн “Кинигэлээх долбуур” чэй бэлэмнээн, аҕам саастаахтар күннэригэр бэтэрээннэригэр бэлэх уунарга сананнылар. 12 чэйдээх мөһөөччүктэр дьиэ кэргэттэри уонна оҕолору кинигэни ааҕыыга угуйар сыаллаахтар-соруктаахтар.
Хас биирдии чэй Күннүк Уурастыырап бэчээккэ тахсыбыт кинигэтин хаҕа ойуулаахтар. Тас өттүгэр куйаар куодтаах, ону төлөпүөнүнэн даҕайан норуодунай суруйааччы айымньыларын толору ааҕыахха сөп.
Маннык бэлэҕи Амматааҕы киин бибилэтиэкэ үлэһиттэрэ ыам ыйын 9 күнүгэр — Владимир Михайлович Новиков – Күннүк Уурастыырап төрөөбүт күнүгэр Амма сэлиэнньэтин Күннүк Уурастыырап уулуссатыгар олорор ыалларга эмиэ бэлэх уунан ураллар. Онтон Аҕам саастаахтар күннэригэр, ытыктыыр, убаастыыр бииргэ үлэлээбит коллегаларыгар эмиэ “Кинигэлээх долбуур” бэлэх уунаары бэлэмнээтилэр.
Алена Семенова, бибилэтиэкэр.