Бэҕэһээ Ф.Потапов аатынан Амматааҕы норуот айымньытын дьиэтигэр “Ударная волна” тэрээһин улуус үөрэнээччилэрин 14-с төгүлүн түмтэ. Амма бастыҥ, актыыбынай позициялаах, булугас өйдөөх уонна көхтөөх оҕолоро буруйу кэһиини сэрэтэр тэрилтэлэр ыытар тэрээһиннэригэр көхтөөхтүк кытыннылар.
Ол курдук, 10 оскуолаттан 11-дии кыттааччы станцияларынан сорудахтары толордулар, дьиэтээҕи үлэҕэ социальнай видеоролик устан аҕаллылар, визитка бэлэмнээбиттэрин көмүскээтилэр. Амма 1 уонна 2 нүөмэрдээх оскуолалара, лицей, Абаҕа, Алтан, Бөтүҥ, Болугур, Соморсун, Сатаҕай, Майскай, Чапчылҕан, үөрэнээччилэрэ «Мост да Винчи», «Лучший знаток профессии», «Знаток ПДД», «Моя Россия», «Гербы РС(Я)» түһүмэхтэри мүлчү түстүлэр.
Оҕо төрөөбүт дойдутун ытыктыы, билэ улаатарыгар олук уурар күрэҕи дьүүллүүр сүбэ– сокуоннай саастарын туола илик оҕолор хамыыһыйаларын эппиэттиир сэкирэтээрэ Виктория Феоктистова, социальнай көмүскэл киинин дьиэ кэргэҥҥэ социальнай өҥөнү оҥорор салаа сэбиэдиссэйэ Евдокия Александрова, дьиэ кэргэҥҥэ, оҕолорго психологическай көмөнү оҥорор өрөспүүбүлүкэтээҕи киин Амматааҕы филиалын дириэктэрэ Аина Неустроева, улуус дьаһалтатын ыччат уонна социальнай политика салалтатын сүрүннүүр исписэлииһэ Елена Ногнорутова сыаналаатылар.
Тыҥааһыннаах куоталаһыы түмүгүнэн анал ааттар хаһаайыннарын буллулар: “Самый ловкий» – Бөтүҥ, «Эрудиты» – лицей, «Самая сплочённая команда» – Сатаҕай, «Лучшие знатоки профессий» — Амма 1 №-дээх оскуолата, «Умные патриоты» – Алтан, «Знатоки основы безопасности» Амма 2№-дээх оскуолата, «Лучшие знатоки» – Соморсун, «Лучшее сотрудничество» – Алтан, «Знатоки знака» – Майскай, “Пойми меня» – Абаҕа орто оскуолата. Оттон күрэх кыайыылаахтара – 3 истиэпэннээх Дипломунан уонна 3000 солк. сертификатынан Бөтүҥ оскуолата, 2 истиэпэннээх Дипломунан уонна 5000 солк. сертификатынан Амма 1 №-дээх оскуолата, 1 истиэпэннээх дипломунан уонна 7000 солк. сертификатынан Абаҕа орто оскуолата бэлиэтэннилэр.
Бу тэрээһин оҕолорго билбэт тиэмэлэрин өйдүүргэ, оҕолору кытта билсэн, хамаанданан бары бииргэ үлэлииргэ үөрэттэ.
Айза Игнатьева, Алина Симонова, Амма 1 №-дээх оскуолатын 9 “а” кылааһын үөрэнээччилэрэ, АеСеШник хаһыат корресподеннара.