Бүгүн Тихон Матвеев салайааччылаах 2-Чакыр нэһилиэгин «Эркин» эр дьонун түмсүүтэ нэһилиэк дьахталларыгар үс көрүҥҥэ: дартска, буулдьанан ытыыга уонна уксааҥҥа күүрээннээх күрэх тэрийдэ. Эдэриттэн эмэнигэр диэри уопсайа 27 кэрэ аҥар кыттыыны ыланнар умнуллубат түгэннэри бэлэхтээтилэр.
Күрэҕи көрүҥнэринэн дьүүллээтилэр: Свинобоев Савва Иннокентьевич, Новиков Николай Дмитриевич, Николаев Айсен Егорович уонна сүрүн судьуйа — Матвеев Тихон Михайлович.
Олус интэриэһинэй, сонун күрэх түмүгүнэн көрүҥнэринэн кыайыылаахтар ааттара маннык буолла. Дартска 1миэстэ Свинобоева Лидия Николаевна, 2 миэстэ Новикова Елизавета Афанасьевна, 3 миэстэ Афанасьева Татьяна Сергеевна. Буулдьанан ытыыга 1 миэстэ Баранкевич Лариса Викторовна, 2 миэстэ Свинобоева Лидия Николаевна, 3 миэстэ Матвеева Наталия Михайловна. Уксааҥҥа 1 миэстэ Варламова Уйгулана Семеновна, 2 миэстэ Петрова Анна Алексеевна, 3 миэстэ Ефремова Евдокия Афанасьевна буоллулар. Онон уопсай түмүккэ 1 миэстэни Свинобоева Лидия Николаевна, 2 миэстэни Баранкевич Лариса Викторовна, 3 миэстэни Афанасьева Татьяна Сергеевна ыланнар өрөгөйдөөтүлэр. Кыайыылаахтар «Чакыр нэһилиэгэ» МТ, Чакырга, Дьокуускайга, атын улууска олорор эр дьоммут спонсордаабыт сыаналаах бириистэрин тутан үөрүү үгүһүн биллилэр.
Төһө даҕаны уот бардар банаар сырдыгар күрэхтэстэллэр, спортсмен хаана баһыйан ким даҕаны тарҕаспакка күрэх тиһэҕэр тиийэ олус тыҥааһыннаахтык, эрийсиилээхтик барда.
Дария Лукина.