Амма Наахара нэһилиэгэр быйыл быыбардыыр бырааптаах 428 киһи быыбарга кыттар. Нэһилиэк дьоно-сэргэтэ эрдэ кандидаттары кытта көрсүһүүгэ биир санаанан салайтаралларын, түмсүүлээхтэрин көрдөрбүттэрэ.
Амма Наахара №56 быыбардыыр учаастагар балаҕан ыйын 8 күнүгэр аан маҥнайгынан нэһилиэк Аҕа баһылыга Захар Александров олоҕун аргыһын Людмила Трофимовнаны кытта кэлэн быыбарга кытыннылар. Сэгэтэн эттэххэ балаҕан ыйын 5 күнүгэр ыраах сытар учаастактарга олорор Владимир Васильев, Егор Константинов, Петр Никитин быыбардаабыттара. Маҥнайгы күҥҥэ нэһилиэк 32,7% куолаһын биэрдэ. Быыбар хамыыһыйатын бэрэссэдээтилинэн өр кэмҥэ быыбары салайар, уопуттаах үлэһит Наталья Ефремова, сэкирэтээринэн Алёна Мартынова хамаандаларын кытары эппиэтинэстээхтик үлэлииллэр. Партиялар кэтээн көрөөччүлэрэ быыбар быраабылатын тутуһан быыбар хаамыытын көрөллөр-истэллэр. Бастакынан ыытыллар үс күннээх быыбар тулууру, кыаҕы, толкуйу, эрэли эрэ түстээтин.
Ирина Корякина-Олесова.