Дьокуускай куоракка СӨ Бырабыыталыстыбатын 2№-дээх дьиэтигэр оҕону иитиигэ ситиһиилээхтик үлэлиир үлэһиттэри бэлиэтээн ааспыттара. Бу үөрүүлээх тэрээһиҥҥэ өрөспүүбүлүкэ бастыҥ иитээччилэрин кытта Амма улууһуттан эмиэ үрдүк наҕараадалары туппуттара.
Дьокуускай куоракка СӨ Бырабыыталыстыбатын 2№-дээх дьиэтигэр оҕону иитиигэ ситиһиилээхтик үлэлиир үлэһиттэри бэлиэтээн ааспыттара. Бу үөрүүлээх тэрээһиҥҥэ өрөспүүбүлүкэ бастыҥ иитээччилэрин кытта Амма улууһуттан эмиэ бэлиэтэммиттэрэ.
“Быйылгы үөрэх дьыла оскуола иннинээҕи саастаах тэрилтэлэрбитигэр ситиһиилэрдээх саҕаланна. Ол курдук билэргит курдук Амма нэһилиэгин “Хатыҥчаана” уһуйааҥҥа оҕолору эт-хаан өртүнэн эрчийэр эдэр иитээччибит Рустам Седых Казань куоракка баран Бүтүн Арассыыйатааҕы күрэххэ кыттан лауреат үрдүк аатын ылбыта.
Онтон өрөспүүбүлүкэбит иһигэр тэриллэр “Бастыҥ уһуйааннары” быһаарыыга икки уһуйааммыт, Соморсуннааҕы Саргылана Данилова сэбиэдиссэйдээх “Чэчир” уонна Амматааҕы Лилия Степанова сэбиэдиссэйдээх “Сардаана” оҕо сайдар кииннэрэ кыайыылаахтарынан таҕыстылар. Маны сэргэ өр сыл оҕо тэрилтэлэрин үлэлэрин сүрүннүүр Вера Васильевна Чупрова өрөспүүбүлүкэ үөрэҕин министиэристибэтин Бочуотунай грамотатынан, онтон Рустам Сергеевич Седых “Надежда Якутии” бэлиэнэн наҕараадаланнылар. Биһиги кинилэри өссө төгүл бу үрдүк ситиһиилэринэн истиҥник эҕэрдэлиибит уонна бу саҕаламмыт саҥа үөрэх дьыла айымньылаах буоларыгар баҕарабыт”, — диэн улуустааҕы үөрэх управлениетын уопсай үөрэхтээһини методическай арыаллааһын салаатын сүрүн исписэлииһэ Эмма Давыдова сырдатта.
“Амма олоҕо” хаһыат