Бэтэрээннэр улуус чиэһин көмүскээн кэллилэр

Дьокуускай куоракка бэтэрээннэр ортолоругар биирдиилээн уонна хамаанданан бастыыр иһин сахалыы остуол оонньууларыгар күрэхтэһии буолан ааста. Бу күрэхтэһиигэ Амма улууһун бэтэрээннэрэ Сэбиэт бэрэссэдээтэлэ Мария Захарова салайыытынан кыттан, улуустарын чиэһин көмүскээн кэллилэр.


“Сахалыы остуол оонньууларыгар хабылыкка уонна хаамыскаҕа күрэх Дьокуускай куорат 2№-дээх оҕо спортивнай оскуолатыгар буолан ааста. Мандатнай хамыыһыйа “Модун” спортивнай комплекска буолан ааспыта. Күрэхтэһии бэрт тэрээһиннээхтик буолла.  Саастарынан арахсан биэс бөлөҕүнэн ыытыллынна. Уопсайа 13 улуус кэлэн кытынна.  Биһиги улуустан хамаанда хомуллан барбыппыт. Ол гынан баран толору састаап буолуохпутун биир киһи көстүбэтэҕэ дьэ кыһыылаах. Ол да буоллар дьоммут улуус чиэһин көмүкээн, Амма аата син биир ааттаннара. Ол курдук Георгий Нестерев бэйэтин бөлөҕөр иккис миэстэ буолары ситистэ. Онон Георгий Семеновыһы өссө төгүл эҕэрдэлиибит.

 

Бу күрэхтэһиибитигэр барар-кэлэр массыынанан хааччыйбыт улуус баһылыгын бастакы солбуйааччы Василий Иванович Бураевка, ону сэргэ Алексей Юрьевич Кононов баһылыктаах Соморсун нэһилиэгин дьаһалтатыгар, үтүө санаалаах эдэр суоппарга Василий Игнатьевка кыттааччылар уонна тус бэйэм ааппыттан истиҥ махталбытын тириэрдэбит. Улуустарын түһэн биэрбэккэ баран кыттыыны ылбыт дьоммутугар эмиэ тус бэйэм дириҥ махталбын этэбин. Инникитин да бу курдук баран кыттыыны ылыаххыт диэн эрэнэбин” , — диэн улуус   бэтэрээннэрин  Сэбиэтин  бэрэссэдээтэлэ Мария   Захарова  санаатын тириэртэ.

“Амма олоҕо” хаһыат

Читайте дальше