Н.Е. Иванов аатынан Бөтүҥ агрооскуолатыгар Амматааҕы ис дьыала уорганнарын үлэһиттэрэ, сокуоннай саастарын туола илик оҕолор дьыалаларын уонна кинилэр бырааптарын көмүскүүр хамыыһайа бэрэстэбиитэллэрэ кэлэн бэрээдэги кэһии, эппиэтинэһи сүгүү, киһи быраабын туһунан 5-11 кылаас оҕолоругар иитэр-үөрэтэр кэпсэтии оҥордулар.
Лекцияҕа оҕо сокуоннай сааһын туола илик буоллаҕына массыынаны, матасыыкылы уонна квадроциклы ыытара бобулларын, сайыҥҥы өттүгэр элбэх оҕо түүҥҥү өтүгэр уулуссаҕа сылдьан тутулланнар төрөппүттэрэ кырата суох суумалаах ыстараап төлүүллэрин, транспордара былдьанарын туһунан кэпсээтилэр уонна сэрэттилэр. Ону таһынан, араас куһаҕан наркотическай састааптаах бэссэстибэлэри, электроннай табахтары, энергетическэй утахтары иһэртэн, сыттыыртан туттунары, бобору тоһоҕолоон эттилэр. Доруобуйаҕытын харыстааҥ, төрөппүттэргитин хомотумаҥ, дьыалаҕа тардымаҥ, тардыллымаҥ диэн сүбэлээтилэр. Сайыҥҥы өттүгэр киэһэ 23 чааска диэри уулуссаҕа төрөппүтэ суох сылдьаргыт көҥүллэнэр, оттон күһүҥҥү-кыһыҥҥы үөрэх бириэмэтигэр 21-22 чааска диэри көҥүллэнэр. Салҕыы полиция үөрэҕин туһунан иккиһин кэлэн сиһилии кэпсээтилэр. Онтон нэһилиэкпитигэр саҥа участковай үлэһити билиһиннэрдилэр. Оҕолор боппуруостара элбэх буолла, чуолаан үөрэххэ интэриэстээх оҕолор, кииҥҥэ киирэн билсэллэригэр ыҥырыы ыллылар.
“Платформа” Медиа киин чилиэнэ Селена Чирикова, 11 кылаас үөрэнээччитэ.