Ахсынньы 4-14 күннэригэр “Амма олоҕо” хаһыакка чэпчэтиилээх сурутуу ыытыллар. Бу 10 хонук иһигэр 2024 сылга “Амма олоҕо” хаһыакка элбэх киһини суруйтарбыт нэһилиэктэргэ уонна тэрилтэлэргэ сертификаттары олохтуубут.
Чэпчэтиилээх сурутуу түмүгэр кыайыылаах буолбут кыра уонна улахан нэһилиэктэр 2024 сылга квартал аайы биирдэ хаһыат балаһатыгар анал таһаарыы быһыытынан тахсаллар. Манна нэһилиэк олоҕо-дьаһаҕа, үлэтэ-хамнаһа, ситиһиилэрэ, олохтоох көҕүлээһиннэри өйүүр бырагыраамаҕа кыттыыта, биллэр-көстөр үтүө үлэһит дьоннорун туһунан матырыйааллары биһиги корреспонденнарбыт бэлэмниэхтэрэ. Бу матырыйааллар бары хаһыат сайтыгар, социальнай ситимнэригэр толору сырдатыллыахтара.
Тэрилтэлэр икки ардыларыгар кыайыылаах тахсыбыт үс бастакы миэстэҕэ сыл устата биир балаһаны буор-босхо биэрэбит. Онно бэйэҕит үбүлүөйдээх тэрээһиннэргитин, ытык-мааны кэллиэгэлэргитин эҕэрдэлиир суруйууларгыт, онтон да атын матырыйаалларгытын бэчээттэтиэххитин сөп. Маны таһынан 10 000 солк. суумаҕа эрэдээксийэ оҥорор полиграфическай өҥөлөрүнэн (халандаардар, кыра брошюралар, грамоталар, махтал, эҕэрдэ суруктар, сертификаттар) туһаныаххытын сөп.
Уонна, саамай кылаабынайа, биир сылга толору суруппуттар лотереяҕа кыттаннар, “ЛОРП” ПАО (генеральнай дириэктэр С.А. Ларионов) туруорбут Өлүөнэ очуостарыгар круиз путевкатын уонна биһиги эрэллээх партнербут Руслан Федотов “Лээги”, “Лээгистрой”, ”Далбар”, “Сиибиктэ”, “Наахара” маҕаһыыннарыгар сертификаттары сүүйүөхтэрин сөп. Маны тэҥэ биир сылга суруппуттар бука бары – 2024 сыллааҕы истиэнэҕэ ыйанар халандаары хаһыат бастакы нүөмэрин кытта бэлэх тутуохтара.
Кытаатыҥ, улуускут сонунун кэпсиир соҕотох хаһыаккытыгар сурутуҥ. Суруллубут – суоруллубат!
“Амма олоҕо” хаһыат эрэдээксийэтэ.