Саҥа сылы көрсө Болугурдааҕы «Колосок» уһуйаан бөлөхтөрүн икки ардыларыгар оҕо сайдар эйгэтин көрүү күрэҕэ ыытылынна.
Оскуола иннинээҕи саастаах оҕолор оонньуур, сайдар эйгэлэрин тэрийиигэ иитээччилэри, төрөппүттэри, оҕолору түмэр күрэх быйыл үлэ бэтээрээнэ,уһуйаан сэбиэдиссэйэ Куличкина Анна Петровна аатыгар ананна.
Федеральнай үөрэхтээһин бырагарааматын ирдэбилин тутуһан 4 бөлөх иитээччилэрэ бэйэлэрин бөлөхтөрүн оонньуур, сынньанар, сайдар эйгэтин билиһиннэрдилэр. Кинилэр сайдар эйгэни тэрийиигэ араас матырыйааллары, көрүҥнэри туттан, оҕо сааһын, сайдыытын учуоттаан, табыгастаах ньыманы туһанан оҥорбуттар.
Дьүүллүүр сүбэҕэ өр сыл уһуйааҥҥа үлэлээбит СӨ үөрэҕэриитин туйгуна, норуот маастара Михайлова Ульяна Майродовна, уһуйаан сэбиэдиссэйэ Афанасьева Марфа Васильевна, Анна Петровна кыыһа Викитярова Маргарита Михайловна уонна Е.Е. Пахомов аатынан Болугур орто оскуолатын иитэр үлэҕэ завуһа Кузьмина Наталья Семеновна үлэлээтилэр.
Көрүү түмүгүнэн анал ааттар хаһаайыннарын буллулар. Ол курдук, «Развивающий потенциал, поддержка инициативы и самостоятельности детей» — «Сардаана» кыра бөлөх (иитээччилэр Кононова Саргылана Ивановна, Новикова Надежда Афанасьевна), «Зонирование пространства: трансформируемость, доступность» — «Ньургуһун» бэлэмнэнии бөлөх (иитээччилэр Баишева Мария Матвеевна, Дьячковская Анна Петровна), «Родители и дети в пространстве РППС» -«Ньээм-ньээм» кыра бөлөх (иитээччилэр Петрова Елена Васильевна, Новикова Надежда Афанасьевна), «Лучшая развивающая предметно-пространственная среда» -«Чуораанчык» орто бөлөх (иитээччилэр Мухина Надежда Николаевна, Дьячковская Анна Петровна).
Кыайыылаахтар, кыттааччылар бары сэмэй бэлэхтэринэн наҕараадаланнылар. Күрэхпитин ыытыыга күүс-көмө буолбут уһуйаан иитээччилэригэр,уһуйааммыт төрөппүттэригэр, спонсордарбытыгар Федотов Андрей Егоровичка, Куличкина Анна Петровна оҕолоругар Маргарита Михайловна Викитяроваҕа, Клавдия Михайловна Христофороваҕа барҕа махталбытын тириэрдэбит.
Ольга Петрова.