Амма улууһун Болугур нэһилиэгин «Чөмчүүк» Далбар хотуттар түмсүүтэ Анал байыаннай дьайыыга сылдьар ыччаттарбытыгар күүс-көмө, өйөбүл буоллун диэн алгыстаах бубликтары, ону таһынан көмүскэнэр сиэккэлэри бэлэмнээтилэр. Нэһилиэкпит, улууспут биир киэн туттар ыччата Андрей Федотов ылынан баһыылкабытын Дьокуускайга «Якутия с тобой» общественнай хамсааһын штабыгар тиэртэ.
-Анал байыаннай дьайыыга сылдьар оҕолорбут — уолаттарбыт этэҥҥэ, түргэнник эргиллэн кэлиэхтэрин, ил эйэ туругуруон ис сүрэхтэн баҕаран алгыспытын ыытабыт уонна амарах санаа акциятыгар кыттыспыт бар дьоммутугар махталбытын аныыбыт,- диэн «Чөмчүүк» түмсүү салайааччы Оксана Константиновна Ефремова санаатын үллэстэр.
Бу курдук бары түмсүүлээх, инникигэ эрэллээх буолуоҕуҥ.
Евдокия ПЛАТОНОВА.