Чакырдааҕы 53№-дээх быыбардыыр учаастак бэрэссэдээтэлэ Матрена Игнатьева иһитиннэрбитинэн, олохтоохтор быыбарга көхтөөхтүк кытталлар. Киэһэ 18 чаас түмүгүнэн быыбардааччы 75,22 бырыһыана куоластаата.
“Биһиги нэһилиэкпитигэр баһылык болдьоҕун иннинээҕи быыбарыгар үс кандидат туран быыбардыыр бюллетеҥҥэ киирбиттэрэ. Ол курдук Васильев Василий Александрович, Григорьев Семен Николаевич, Яковлев Альберт Ильич. Билигин 18 чаас түмүгүнэн 258 быыбардааччы быыбарга кытынна. Мантан 43 киһи эрдэ, 27 быыбардааччы сайабылыанньа биэрэн дьиэлэригэр куоластаатылар. Бу 75,22 бырыһыан буолар”,- диэн учаастак хамыһыйатын бэрэссэдээтэлэ Матрена Игнатьева сырдатта.
“Амма олоҕо” хаһыат