Бүгүн балаҕан ыйын 8 күнүгэр 53№-дээх Чакырдааҕы уонна 59№-дээх Сатаҕайдааҕы быыбардыыр учаастактарга сарсыарда 8 чаастан учаастактар аһыллан быыбар саҕаламмыта. Икки нэһилиэккэ олохтоохтор баһылыктарын талаллар.
“Бу сылга биһиэхэ икки нэһилиэккэ баһылыктар быыбардара болдьохторун иннинэ ыытыллар. Ол курдук күнүс 12 чааска Сатаҕайга быыбардааччылар 50,14, онтон Чакырга 44,61 бырыһыаннара куоластаата. Онон дьон кэлиитэ көхтөөх. Быыбардыыр учаастактарга билиҥҥитэ туох да кэһии тахса илик. Учаастактар киэһэ 8 чааска сабыллан түмүктэри таһаарыы буолуо”, — диэн Амма улууһун территориальнай быыбардыыр хамыһыйатын бэрэссэдээтэлэ Наталья Алексеева иһитиннэрдэ.
“Амма олоҕо” хаһыат