Дьиэ кэргэни түмэр тэрээһиннэр сэргэхтик аастылар

Быйыл Арассыыйаҕа Дьиэ кэргэн, онтон Саха сиригэр Оҕо саас сыла биллэриллэн турар. Сыллар чэрчилэринэн араас тэрээһиннэр быстыбакка бараллар.  Соморсун оскуолатыгар бэрт сэргэх тэрээһиннэр дьиэ кэргэни түмтүлэр.


Улуус бастакы кулубата Афанасий Рязанскай аатын сүгэр Соморсун орто оскуолатыгар  дьиэ кэргэҥҥэ анаммыт араас тэрээһиннэр буолан аастылар. Ол курдук «Удьуор утума» диэн тэрээһиҥҥэ хаан-уруу аймахтыы оскуола үөрэнээччилэрэ өйдөбүнньүк хаартыскаҕа түстүлэр. Кылаастарынан «Дьиэ кэргэн дьоллоох түгэнэ» диэн хаартыск быыстапка тэрилиннэ. Алын сүһүөх кылаас үөрэннээчиилэригэр «Быстыбат ситим» диэн эбээ сиэнинээн күрэҕэ сэргэхтик  ыытылынна. Манна Барыта 6 сиэн эбэлэрин кытта биир хамаанда буолан күрэхтэстилэр. Күрэхтэһии саҕаланыытыгар сиэннэр эбэлэрин көрөөччүлэргэ билиһиннэрдилэр. Кыттааччылар  бииртэн биир түһүмэҕи үөрэ-көтө аастылар. Ол курдук остуоруйа дьоруойдарын да таайдылар, бэйэ бэйэлэрин төһө үчүгэйдик билэллэригэр, өс хоһооннорун таайыыга  тургутууну аастылар. Түмүккэ 4-с кылаас үөрэнээччитэ Лилия Демьянова эбэтинээн Клавдия Абрамовна Максимовалыын кыайыылааҕынан таҕыстылар.

Ити курдук Соморсун оскуолатыгар дьиэ кэргэни түмэр, уруйдуур тэрээһиннэр төрөппүтү да үөрэнээччилэри да хабан тэрээһиннээхтик буоллулар.

Надежда ОХЛОПКОВА

Читайте дальше