Амматааҕы Н.С. Захаров – Сахаачча аатынан оҕо спортивнай оскуолатын иитиллээччилэрэ Белогорск куоракка буолан ааспыт Амурскай уобалас көҥүл тустууга аһаҕас турнирыгар ситиһиилээхтик кытыннылар. Бу тренер Степан Скрябин иһитиннэрэр.
“Бу турнирга барыта 400-тэн тахса кыттааччы кэлбит. Ол курдук Саха сириттэн, Забайкальскай, Хабаровскай кыраайтан, Амурскай уобаластан, Еврейскэй автономнай уокуруктан эдэр тустууктар кэлэн кыттыыны ыллылар. Биһиги өрөспүүбүлүкэбититтэн 100-тэн тахса оҕо бара сырытта. Онно Амматтан 60 оҕо. Бу күрэхтэһиигэ уон оҕобут бириистээх миэстэлэри ыллылар. Ол курдук 2012-2014 сыл төрүөх уолаттарга Алтантан Сутаков Даниель 26 киилэҕэ үһүс миэстэ, Амматтан Вензель Вася 30 киилэҕэ үһүс миэстэ, Потапов Ерема бастакы миэстэ, Бөтүҥтэн Попов Даниил 32 киилэҕэ үһүс миэстэ, Амматтан Никифоров Коля 38 киилэҕэ иккис миэстэ, Рожин Дьулусхан 46 киилэҕэ үһүс миэстэ, Окороков Слава 50 киилэҕэ бастакы миэстэ буоллулар. Онтон 2015-2016 сыл төрүөх уолаттарга Амматтан Скрябин Эрхаан 20 киилэҕэ үһүс, Бөтүҥтэн Обутов Өркөн 24 киилэҕэ иккис, Эмистэн Петров Даниэл 26 киилэҕэ үһүс миэстэлэри ылары ситистилэр. Аны салгыы аҥарбыт Владивосток куоракка ыытыллар Бүтүн Арассыыйатааҕы турнирга кытта кэллибит”, — Степан Михайлович сырдатта.
Оҕолору тренердэр Амматааҕы оҕо спортивнай оскуолатын тренердэрэ оҕолорго сүрүннүүр тренерэ Кирилл Павлов, Степан Скрябин, Аркадий Тастыгин, Антуан Харлампьев, Мичил Попов, Петр Васильев илдьэ сырыттылар.
Уолаттарбытыгар ситиһиилэри баҕарыаҕыҥ!
“Амма олоҕо” хаһыат