Эдэр учуутал сайабылыанньа биэрэн куоластаата

Эмис нэһилиэгэ Арассыыйа Бэрэсидьиэнин быыбарыгар көхтөөхтүк кыттар. Быыбар бастакы күнүгэр быыбардааччы 60,56 бырыһыана куоластаата. Бүгүн быыбар иккис күнүгэр быыбардыыр учаастакка бастакынан В.М. Новиков-Күннүк Уурастыырап аатынан орто оскуола эдэр учуутала Лилия Лукина кэллэ.


 Мин  Эмис нэһилиэгэр начальнай кылаас учууталынан үлэлии кэлбитим. Төһө да атын сиргэ пропискалаах буолларбын бэйэм хайаатар да дойдубутугар ыытыллар суолталаах быыбарга кыттар санаалаах, сайабылыанньа биэрэн, бүгүн кэлэн быыбардаатым. Онон Арассыыйа гражданина буолар ытык эбээһинэспин толордум. Өссө да куоластыы кэлэ илик дьону кэлэн бэйэҕит быыбардыыр быраапкытынан туһанан, Дойдубут Бэрэсэдьиэнин талар быыбарга кыттаргытыгар ыҥырабын», — диэн Лилия Михайловна санаатын тириэртэ.

 

«Амма олоҕо»хаһыат

Читайте дальше