Эмис нэһилиэгэр аҕам саастаахтар декадалара киэҥник бэлиэтэннэ. Аралдьытар тэрээһиннэри сэргэ улуус хаһыатыгар сурутуу олус көхтөөхтүк ыытылынна.
Ол курдук, нэһилиэк баһылыгын солбуйааччы Айталина Алларитовна Кириллина уонна социальнай үлэһит Татьяна Григорьевна Дмитриева көҕүлээһиннэринэн нэһилиэк олохтоохторо туора турбакка 82 аҕам саасхтаахтарыгар бэлэхтэрин туттардылар. Итиэннэ урбаанньыт Афанасий Афанасьевич Бубякин олохтоох «Амма олоҕо» хаһыакка 20, Варвара Егоровна Шадрина 6 аҕам саастаах дьоҥҥо кэлэр сыл 6 ыйыгар сурутуу бэлэхтээтилэр.
-Декада устата “Чэгиэн-чэбдик буол», уруһуйга маастар-кылаас, бильярдка күрэх, караоке киэһэтэ уонна декаданы түмүктүүр бырааһынньыкка ыаллыы сытар Алтан социальнай үлэһитэ Прасковья Анатольевна ыҥырыыны ылынан нэһилиэгин аҕам саастаахтарын илдьэ кэлэн тэҥҥэ дьоро киэһэни тэрийэннэр өргө диэри умнуллубат өйдөбүл хаалларда,- диэн социальнай үлэһит Татьяна Дмитриева сонунун үллэстэр.
“Амма олоҕо” хаһыат.