Эмистээҕи «Чуораанчык» уһуйаан иитиллээччилэригэр Сомоҕолоһуу күнүгэр анаммыт аралдьытар тэрээһин ыытылынна. Кырачааннар тэрээһиҥҥэ көхтөөхтүк кыттан элбэҕи биллилэр, норуоттар култуураларын кытта алтыстылар.
«Сомоҕолоһуу күнүгэр анаан оҕолорбутун араас норуот култууратын кытта билсэр тематическай аралдьытар тэрээһини ыыттыбыт. Ол курдук икки улахан бөлөх оҕолоругар Арасыыйаҕа олорор араас омуктар таҥастарын, олохторун- дьаһахтарын билиһиннэрэр дьарыктар, бэсиэдэлэр ыытылыннылар. Кыра бөлөхтөн саҕалаан араас омук таҥаһын кэтэн оҕолорбут ырыа ыллаатылар, үҥкүүлээн тэйдилэр, араас омук оонньуутун оонньоон олус астынан, анал фотозонаҕа хаартыскаҕа түстүлэр. Бу тэрээһинтэн бука бары астынан, элбэҕи билэн тарҕастыбыт», — диэнн уһуйаан иитээччитэ Мавра Новгородова сырдатар.
«Амма олоҕо» хаһыат