Эмис нэһилиэгэр Арассыыйаҕа биллэриллибит Дьиэ кэргэн сылын түмүктүүр тэрээһин нэһилиэкпит киэн туттар ытык-мааны ыала Прасковья Николаевна Новикова уонна Павел Прокопьевич Николаевтар бэлэхтээн туттарбыт Ил уонна Эйэ муостатыгар түмсүүттэн, аал уоту оттон, алгыс этиититтэн саҕаланна.
Алгыһы ытыктанар учуутал Анатолий Михайлов оҥордо. Кини аал уотун оттон, арыылаах алаадьынан айах тутан күндүлээтэ. Бу кэнниттэн мустубут дьон бука бары култуурабыт дьиэтигэр диэри сэлэлээн хааман бардылар. Үөрүүлээх сылы түмүктүүр чааска сыл устата көхтөөх уонна уһуннук олорбут дьиэ кэргэннэри чиэстээтилэр, олохтоох дьаһалта эҕэрдэтин, бэлэҕин туттарда.
Ол курдук, 10 сыл бииргэ олорор Николай уонна Ирина Ноговицыннар, Дмитрий уонна Ирина Пестеревтэр, 15 сыл олорор Сардана уонна Иван Николаевтар, Алексей уонна Елена Захаровтар, 20 сыл бииргэ олорор Прокопий уонна Мария Бубякиннар, Гаврил уонна Алена Захаровтар, Софрон уонна Варвара Костантиновтар, Назар уонна Татьяна Васильевтар, 25 сыл бииргэ олорор Александр уонна Светлана Петровтар, Ким уонна Валентина Григорьевтар, 30 сыл бииргэ олорор Илья уонна Айталина Кириллиннэр, Андрей уонна Софья Афанасьевтар, Валерий уонна Татьяна Неустроевтар, Илья уонна Анна Пестеревтэр, 40 сыл бииргэ олорор Любовь уонна Егор Фёдоровтар уонна 50 сыл бииргэ олорор Иосиф Васильевич уонна Людмила Ивановна Петровтар. Бу күн оскуола профкома эмиэ бастыҥ үлэһиттэригэр Эҕэрдэ суруктары туттарда.
Дьоро киэһэ нэһилиэк анал номинация олохтоон дьиэ кэргэннэргэ туттарда. Ол курдук, “Төрүттэрин ууһун салҕааччы” номинация — Герой ийэ, үлэ тыыл бэтэрээнэ Новикова Татьяна Никифоровна уонна киниэхэ “Дьиэ кэргэн сыла” бэлиэ ананна. “Төрүттэрин ууһун салҕааччы”- Герой ийэ Устинова Туяра Петровна, “Бастыҥ ыал, чөл олоҕу тутуһааччы” — Ульяна уонна Александр Ларионовтар, “Бастыҥ ыал” Софья Сергеевна уонна Андрей Николаевич Афанасьевтар, “Удьуор үлэһит, үлэни өрө тутар элбэх оҕолоох дьиэ кэргэн” — Матрена Николаевна уонна Авдей Данилович Тимофеевтар, “Тыа хаһаайыстыбатынан утумнаахтык дьарыктанар” — Анна Николаевна, уонна Геннадий Гаврильевич Устиновтар, “Оҕо иитиитигэр, үтүө үгэстээх дьиэ кэргэн” — Маргарита Гаврильевна уонна Николай Васильевич Уваровтар, “Амарах санаалаах дьиэ кэргэн” — Наталья Николаевна уонна Владимир Петрович Константиновтар, “Патриот өйдөөх санаалаах дьиэ кэргэн” — Аграфена Константиновна уонна Павел Павлович Николаевтар, “Сайдам санаалаах дьиэ кэргэн” — Ольга Саввична уонна Анатолий Алексеевич Михайловтар ыллылар.
Маны сэргэ түмүктүүр тэрээһиҥҥэ 2024 сыл бастыҥтан бастыҥ үлэһит дьонун бэлиэтээтилэр. Ол курдук, нэһилиэк социальнай үлэһитэ Татьяна Дмитриева, В.М. Новиков — Күннүк Уурастыырап аатынан Эмис оскуолатын бастыҥ үлэһитэ Светлана Куприянова, “Чуораанчык” уһуйаан спорт инструктор Нонна Ноговицына, ОДЬКХ бастыҥ үлэһитэ Владимир Прохоров, култуура киинин уус уран салайааччыта Игорь Болтунов, Эмистээҕи участковай балыыһа бастын үлэһитэ Мотрёна Устинова, тыа хаһаайыстыбатын эйгэтин бастыҥ үлэһитэ Дмитрий Пестерев, “Сыл бастыҥ обшественнига” анал ааты Роберт Григорьев, “Бастыҥ урбаанньыт” уонна “Сыл бастыҥ тутааччыта” анал ааттары Евгений Ноговицын, “Сыл бастыҥ патриота” — Михаил Дмитриев, “Сыл бастыҥ механизатора” — Алексей Соловьев, “Сыл бастыҥ спортсмена” — Альберт Соловьёв, “Бастыҥ устудьуон” — Игорь Захаров, “Атыы эргиэн саҥа саҕалааччыта” — Варвара Дмитриева, “Сыл бастыҥ сырдатааччыта”- 9-с кылаас үөрэнээччитэ Эрчим Николаев, “Сыл бастыҥ үлэһитэ” — Александр Ларионов буоллулар.
Арассыыйаҕа Дьиэ кэргэн сылын түмүктүүр тэрээһин “Большие танцы” диэн үҥкүү күрэҕинэн түмүктэннэ. Манна кыттыыны 5 дьиэ кэргэн ылла. Түмүккэ 3 миэстэни Айталина уонна Илья Кириллинна, Мотрена Новикова, 2 миэстэ Туяра Устинова уонна Елена Григорьева, 1 миэстэ Софья уонна Андрей Афанасьевтар. Онтон Гран при аатын Матрена уонна Авдей Тимофеевтар сүктүлэр.
Эрчим НИКОЛАЕВ.
Эрчим Николаев, Софья Соловьева хаартыскаҕа түһэриилэрэ.