Бэс ыйын 8 күнүгэр Хаҥалас улууһун Өктөмүгэр Василий Васильевич Николаев кэриэһигэр атах оонньуутугар өрөспүүбүлүкэ чөмпүйэнээтэ ыытылынна. Күрэхтэһиигэ Иван Щидиков Чувашия өрөспүүбүлүкэтиттэн анаан-минээн кэлэн кыттыбыта күрэхтэһиини киэргэттэ.
Спортсменнар өрөспүүбүлүкэ бастакы бэрэсидьиэнэ Михаил Ефимович Николаев музей- бибилэтиэкэтигэр бочуоттаах ыалдьыт быҺыытынан сырыттылар. Эр дьоҥҥо, дьахталларга уонна бэтэрээннэргэ маастар нуормалаах буолан күрэхтэҺии олус тыҥааһыннаах буолла. Бу улахан күрэххэ Амматтан спорт бэтэрээнэ Гаврил Чемезов ситиһиилээхтик кыттан 7 ойууга 15м.76см. ырааҕы түһэн успуорт маастарын нуорматын толордо. «1977сыллаахха педучилищеҕа физкультура салаатыгар үөрэнэ киирэн баран атах оонньуутугар өрөспүүбүлүкэ рекордсмена Николай Александрович Санниковка, онтон кэлин өрөспүүбүлүкэ үтүөлээх тириэньэрэ Прокопий Прокопьевич Готовцевка дьарыктаммытым. Училищены 1979 сыллаахха бүтэрэрбэр маастар таһымыгар чугас сылдьарым. Эһиил маастар нуорматын толорорго сыалланан дьарыктана сылдьан ыалдьан хаалбытым. Онтон 1984 сыллаахха РСФСР успуордун маастара нуормалаах күрэхтэһии Саха сиригэр буоларыгар бэлэмнэнэ сылдьан атахпын эчэтэн успуортан тохтообутум. Көннөрү ыһыахтарга сүүрэн, ыстанан мүһэ ыларым. 2022 сыллаахха бэтэрээннэргэ маастар нуормата баарын билэр этим.
Дьиҥэр, көхтөөх физкультурник буоллаҕым, ыстанан көрбүтүм да ыраах этим. Успуортка төннөр ыарахаттардаах этэ да кытаанах санааны ылынан дьарыктанарга санаммытым. Дьокуускайга дьарыктанарга бары усулуобуйа баар. Дьарыктаныы тиһигин үчүгэйдик билэр буоламмын 2 сыл дьарыктанан маастар нуорматын толордум,»- диэн санаатын үллэстэр Гаврил Чемезов.
Алтана Артемьева.