Үлэ Дьоруойа П.И. Яковлев аатынан Амма Наахара орто оскуолатыгар 5-11 кылаас үөрэнээччилэрин кытары полиция, суолга куттал суох буолуутун хааччыйар сулууспа үлэһиттэрин кытта көрсүһүү буолла.
Бэрээдиги хонтуруоллаачылар старшай лейтенант Айтал Валерьевич Иванов, младшай лейтенант Тимофей Алексеевич Иванов, ДПС младшай лейтенант Андрей Андреевич Брызгалов үөрэнээччилэри кытары сэрэтии үлэтигэр суолга сэрэнэн сылдьыыга, дьиэ-кэргэн айылҕаҕа сынньаныытыгар, бэрээдэги кэһиигэ уонна түөкүттэртэн сэрэхтээх буолууга кэпсэтиини тэрийдилэр. Барыта 40 үөрэнээччи сэрэтии үлэтин сэргээн иһиттэ. Оскуола дириэктэрэ Василий Яковлев, иитэр үлэҕэ дириэктэри солбуйааччы Марина Макарова, социальнай педагог Матрёна Романова уонна кылаас салайааччылара бэсиэдэни болҕойон иһиттилэр. Муус устар ыйтан халлаан сылыйан үөрэх бүтүөр дылы суолга төрөппүттэр уонна учуутал көмөтүнэн оҥоһуллубут патрулирование үлэлии турар. Сэрэтии үлэтин истэн, оҕолорбутун хонтуруоллаан, кэлэр кэнчээри ыччаппытын этэҥҥэ сылдьалларын ситиһиэҕиҥ.
Ирина Корякина-Олесова.