Сулҕаччы нэһилиэгин биир саамай көхтөөх кэлэктиибинэн дьиэ-уот коммунальнай хаһаайыстыба учаастагын кэлэктиибэ буолар. Кэлэктиип 15 киһилээх. Нэһилиэк социальнай эбийиэктэрин сэргэ, ыалларга эмиэ кыстык устата сылааһы биэрэллэр.
СӨ ОДьКХ Амматааҕы филиалын Сулҕаччытааҕы учаастагын РФ ОДьКХ бочуоттаах үлэһитэ Илья Данилов салайар. Бу эппиэттээх учаастакка Илья Христофорович 1998 сылтан, ол эбэтэр 26-с сылын эҥкилэ суох салайааччынан үлэлиир. Илья Христофорович салайар кэлэктиибэ нэһилиэк биир тутаах тэрилтэтэ буолар. Хайдахтаах да тымныы, ыарахан кыстыгы кыахтара баарынан мэлдьи бэлэмнээх көрсөллөр. Биһиги нэһилиэкпит ыалларын улахан аҥаардара, ол эбэтэр 75 бырыһыана сылаас ситимигэр холбонон олороллор. Олохтоохтор учаастак үлэһит уолаттарыгар куруук махтал тылларын этэллэр. Кэлэктиип 15 киһилээх.
Бэйэлэрин үлэлэрин таһынан, нэһилиэк уопсастыбаннай олоҕор, араас субуотунньуктарга барытыгар көхтөөх кыттыыны ылаллар. Туох да үлэттэн туора турбаттар. Бүгүҥҥү идэлээх күннэринэн сылааһынан хааччыйар иллээх кэлэктиипкэ үрдүк ситиһиилэри, туох да саахала суох хаалбыт кэмнэри туоруулларыгар баҕарабыт.
Елена ПОПОВА