Бүгүн улуус муниципиальнай тэриллиилэрин кэтээн көрөөччүлэригэр аналлаах улахан семинар буолан ааста. Манна сүрүннээн балаҕан ыйыгар буолар быыбарга бэлэмнэнии, үөрэтии боппуруоһа турда. Тэрээһиҥҥэ баһылыгы бастакы солбуйааччы Василий Бураев кыттыыны ылла. Семинарга уопсастыбаннай Сэбиэт бэрэссэдээтэлэ Степан Бурнашев, биригэдьиирдэр Виктория Владимирова, Роман Алексеев уонна Амматааҕы территориальнай-быыбардыыр хамыыһыйа бэрэссэдээтэлэ Наталья Алексеева иһитиннэрии оҥордулар. Семинары СӨ уопсастыбаннай палататын чилиэнэ Сергей Анисимов иилээн-саҕалаан ыытта. Мунньахха улуус бары нэһилиэктэриттэн барыларыттан 16 кэтээн көрөөччүлэр кэлэннэр кытыннылар. Оттон Сулҕаччы уонна Амма Наахара нэһилиэктэриттэн кэккэ биричиинэнэн кыайан кэлбэккэ куйаар ситиминэн холбонон кытыннылар. Санатар буоллахха уопсастыбаннай палата 2018 сылтан ыла федеральнай сокуоҥҥа олоҕуран кэтээн көрүүнэн дьарыктанар.
Артем ОСИПОВ.
