57№-дээх Эмистээҕи быыбардыыр учаастакка кыайан кэлбэт дьон, аҕам саастаахтар сайаапка түһэрэллэр. Учаастак хамыыһыйата биир да сайаапканы болҕомтото суох хаалларбакка, тута сурунан, дьиэлэригэр тиийэн быыбардатар. Сайаапканы ордук хото ытык кырдьаҕастар суруйаллар, быыбарга көхтөөхтүк кытталлар.
Эмистээҕи быыбардыыр учаастакка үһүс күнүн нэһилиэк кырдьаҕастара эдэр дьоҥҥо холобур буолан быыбардыыр учаастакка үөрэ-көтө куоластарын биэрэн бараллар. Билигин таһырдьа төһө да сааспын сандаарыйан кэллэр, тымныы, халтараан. Онон сатаан хааман кэлбэт дьоммутугар сайаапканан быыбар хамыыһыйатын чилиэннэрэ Николай Захаров, Никита Иванов дьиэлэринэн куоластааһыны ыыттылар. Сэрии сылын оҕото Семен Гаврильев, куоракка кыстыы сылдьар нэһилиэк, улуус, өрөспүүбүлүкэ адаптивнай спордун чемпиона, призера Вера Тимофеева, нэһилиэкпит саамай ытык киһитэ, 88 саастаах Евдокия Пестерева, Алтантан манна кыыһыгар кыстаан олорор Константин Неустроев уонна да атыттар эппиэттээх политическай тэрээһиҥҥэ инники күөҥҥэ сылдьаллар, эдэрдэргэ холобур буолаллар.
Прасковья БУБЯКИНА