Саҥа дьыл минньигэс бэлэхтэрдээх ураты бырааһынньык буоллаҕа. Ханна баҕарар ордук кыра дьону үөрдээри Тымныы оҕонньор Хаарчаанатынаан ыалларга күндү ыалдьыт буолаллар. Амма нэһилиэгин «Күннүк» түөлбэтигэр эмиэ ыалдьыттаатылар.
«Биһиги түөлбэбитигэр уопсайа 90 ыал олорор. Оскуолаҕа уонна уһуйааҥҥа сылдьааччы 59 оҕолоохпут. Биһиги Саргылаах Саҥа дьылы көрсө кинилэргэ барыларыгар Тымныы оҕонньор уонна Хаарчаана буолан минньигэс бэлэхтэрбитин туттардыбыт.Түөлбэбит бары олохтоохторугар үүнэр сылга ситиһиилэри баҕарабыт. Ааһан эрэр сылга бары түмсүүлээхтик үлэлээбит, уопсай үлэҕэ кыттыспыт дьоммутугар махталбын биллэрэбин»-, диэн этэр түөлбэ салайааччыта Игнатий Гаврильев.
«Амма олоҕо» хаһыат