Кырачаан дуобатчыттар Чурапчыттан ситиһиилээх кэллилэр

Амма спортивнай оскуолатын иһинэн  Амма Наахара орто оскуолатыгар дуобат куруһуогар элбэх оҕо дьарыктанар. Манна дуобакка уһун кэмҥэ тренеринэн оскуолабыт бэтэрээн учуутала Валерий  Гаврильев үлэлиир. Бу күннэргэ дуобат куруһуогун оҕолоро Чурапчыга «Сезон сабыллыыта» диэн аһаҕас күрэххэ баран ситиһиилэнэн кэллилэр.


Тренер Валерий Иванович Гаврильев оҕоҕо  өй-санаа өттүнэн сааһыланыыны ситиһэр,  иитиллээччилэрин сөптөөхтүк дуобат хонуутугар хаамарга үөрэтэр, дьаныһан туран дьарыктыыр.  Бу күннэргэ  Чурапчыга сезону сабар  аһаҕас күрэх ыытылынна. Манна куруһуок  иитиллээччилэрэ баран ситиһии көтөллөөх кэллилэр. Ол курдук өрөспүүбүлүкэ бастыҥнарын күрэҕэр Амма Наахараттан «Дуораанчык» уһуйаан быйылгы выпускницата Уйгууна Кузьмина,  Сандал Устинов,  Тунаара Кузьмина,  Аэлита Александрова уонна Дима Ефремов кытыннылар. Ол курдук 64 харахтаах хаамыыга Дима Ефремов, Уйгууна Кузьмина, Сандал Устинов 2-с миэстэ, Аэлита Александрова 4-с  миэстэ буоллулар. Онтон 100 харахтаахха Дима Ефремов уонна Уйгууна Кузьмина 1-кыы миэстэ, Сандал Устинов 2-с миэстэ, Аэлита Александрова 3-с миэстэ, Тунаара Кузьмина 4-с миэстэ буолан тренердэрин үөрэҕин халтайга ыыппатахтарын көрдөрөн үөртүлэр.

Ирина КОРЯКИНА-ОЛЕСОВА

Читайте дальше