Бүгүн Дойду бэрэсидьиэнэ Владимир Путин быһа эпииригэр үлэтэ суох буолуу 2,9 бырыһыан аччаата диэн этиитин кытта Амма улууһун Үлэлээх буолуу киинин салайааччыта Лена Вензель толору сөбүлэһэр уонна оройуоҥҥа ити сыыппара лаппа үрдүгүн бэлиэтиир.
Лена Кимовна этэринэн, бүгүҥҥү күҥҥэ Амматааҕы Үлэлээх буолуу киинигэр 134 киһи учуокка турар. Былырыын бу сыыппара 200 этэ. Дьон судаарыстыбаннай программаларга кытталлара үксүүр, бэйэ дьыалатын арыммыт дьон ахсаана эбиллэ турар диэн сыыппара чахчыларыгар олоҕуран салайааччы бэлиэтиир.
«Амма олоҕо» хаһыат.