Ленинград куорат блокадаттан толору босхолонуутун күнүн көрсө В.М. Новиков — Күннүк Уурастыырап аатынан оскуолаҕа алын кылаастарга «Блокадный хлеб» диэн тэрээһини ыыттылар. Оҕолор блокада ыар сылларын туһунан элбэҕи биллилэр.
Тэрээһини дириэктэри иитэр үлэҕэ сүбэһит Сахая Устинова уонна оскуола бибилэтиэкэрэ Ульяна Захарова тэрийэн ыыттылар. Ульяна Устиновна поэт Юрий Воронов «27 января 1944» диэн хоһоонун иэйиилээхтик аахпытын оҕолор бэркэ болҕойон иһиттилэр, документальнай киинэни уонна 11 саастаах блокадаҕа олорбут Ленинград куорат олохтооҕо Таня Савичева олоҕун, кини суруйан хаалларбыт дневнигын кытта билистилэр. Блокадаҕа хас биирдии олохтооххо килиэби ыйаан үллэрэллэрэ. Ол хайдах буоларын Ульяна Устиновна уонна Сахая Павловна көрдөрөннөр, оҕолорго үллэрдилэр. Оҕолор хайдах курдук ыарахан, аччыктааһын кэмнэрэ ааспыттарын биллилэр, Таня соҕотох хаалбытын харааста санаатылар. Түмүккэ хайдах курдук биир кыра килиэп киһи олоҕор күндүтүн үчүгэйдик өйдөөтүлэр.
Эрчим Николаев, 9-с кылаас үөрэнээччитэ