Амма улууһун баһылыгын социальнай боппуруостарга солбуйааччы Нюргуяна Илларионова дойдутугар, Аммаҕа кэлэн үлэлээбитэ иккис сылыгар барда. Кини Дьокуускай куоракка пропискалаах да буоллар, быйыл Дойду салайааччытын талар суолталаах быыбарга кыттар санаалаах эрдэттэн төрөөбүт түөлбэтигэр быыбардыыр былааннаах быыбардыыр учаастакка сайабылыанньа биэрбитэ.
Быыбардыыр быраабы толору туһанарга билиҥҥи кэмҥэ бары өттүнэн табыгастаах. Төрөөбүт түөлбэм Болугурдааҕы быыбардыыр учаастагар Судаарыстыбаннай өҥөнү оҥорор портал (Госуслуги) нөҥүө олунньуга сайабылыанньа биэрбитим. Бэлиэтээн эттэххэ, быыбардыыр учаастагы талар бэрт судургу, сыыппара платформа бэйэтэ талларан иһэр, бэйэҥ тугу да суруйбаккын, толорбоккун. Сыыппара платформа олохпут бары эйгэтигэр киирбитин, табыгастааҕын быыбар хампаанньалара эмиэ көрдөрөллөр. Ол курдук, бэҕэһээ дойдубут Бэрэсэдьиэнин быыбардыыр эппиэтинэстээх күҥҥэ дойдубар гражданскай иэспин долгуйа, үөрэ-көтө толордум. Онон дойду олоҕун быһаарыыга кыттыстым, санаабын эттим. Дойдум дьонун-сэргэтин, бүгүн- сарсын бары биир киһи курдук быыбарга тахсаргытыгар ыҥырабын», — диэн Нюргуяна Ивановна санаатын тириэртэ.
Амма олоҕо» хаһыат