Балаҕан ыйын 13 күнүн туругунан улуус үрдүнэн окко былаан 76, 7 бырыһыан туолла. Отчуттар төһө да күн-дьыл уустук буоллар, оттуур ходуһаларыттан тахса иликтэр.
Быйылгы курдук кураан сайыҥҥа, ардахтаах күһүҥҥэ Амма улууһун отчуттара тиэрдиллибит соругу 76,7 бырыһыан толордулар. Ааспыт сыл бу кэмигэр 31668 тонна от оттоммута. Онтон күн бүгүн 22191 тонна от оттонно.
“Күн-дьыл отчуттарга, хомуур да үлэтигэр улахан мэһэйдэри үөскэттэ. Отчуттар бу ый устата оттуур былааннаахтар. Күһүммүт уһуур сибикилээх. Билигин улуус үрдүнэн 78 звено, 213 киһи оттуу сылдьар. От үлэтигэр уопсайа 148 араас техника үлэлиир. Быйылгы былааммыт 28915 тонна. Балаҕан ыйын 13 күнүн туругунан 22191 тонна от оттонно”, — диэн улуус кылаабынай агронома Николай Гаврильев сырдатта.
“Амма олоҕо” хаһыат