Алтынньы ый 23 күнүгэр олохтоох көӄүлээһини өйүүр бырагыраамаҕа кыттыыга түмүктүүр мунньах ыытылынна. Мунньахха биһиги нэһилиэк кураатара, Амма улууһун баһылыгын социальнай эйгэӄэ солбуйааччыта Нюргуяна Илларионова кыттыыны ылла.
Олохтоох бэйэни салайыныыга кыттыыга үс бырайыак киирэн нэһилиэк олохтоохторун икки ардыларыгар онлайн-ыйытык ыытыллыбыта. Манна нэһилиэнньэ бэрт көхтөөхтүк кыттыбыта. Ол курдук үс сүрүн нэһилиэкпит олоӄор наадалаах бырайыактар дьон дьүүлүгэр киирбиттэрэ: бастакыта Кыайыы болуоссатын саӊардыы, иккиһинэн нэһилиэккэ киириигэ стелланы туруоруу, үсүһүнэн Күөрэлэ алааска ыһыахтыыр сири өрөмүөннээһин. Ыйытыкка кыттыбыт дьон улахан бырыһыана Кыайыы болуоссатын саҥардыыга санааларын ууран, бу бырайыагы өйөөбүтэ. Түмүк мунньахха барыта 42 киһи кытынна. Бырайыакпыт аата «Кыайыы болуоссатын саӊардыы уонна көӄөрдүү». Нэһилиэнньэ бу бырайыак олоххо киирэригэр харчынан уонна үлэнэн кылааттарын киллэрэргэ бэлэмнэрин биллэрдилэр, өрөспүүбүлүкэбит нэһилиэнньэ көӄүлээһинин өйүүр бырагырааммалара нэһилиэк сайдыытыгар улахан көмөнү оҥорор суолталаахтарын ыйдылар.
Прасковья БУБЯКИНА, олохтоох дьаһалта сүрүн исписэлииһэ