Эмис нэһилиэгин 57 №-дээх быыбардыыр учаастагын хамыыһыйата ыраах сытар Олом Күөл учаастагар тахсан болдьоҕун иннинэ быыбардааһыны ыытта.
“Биһиги быыбардыыр учаастакпытыгар испииһэккэ киирбитинэн 363 быыбардааччылаахпыт. “Информ УИК” бырагырааманан быыбардааччыларбытын барытын хабан өйдөтөр үлэни ыыппыппыт. Быыбар чилиэннэрэ дьиэлэринэн сылдьан быыбар хайдах барарын, хаһан саҕаланарын, турбут кандидаттар тустарынан кэпсээбиттэрэ, сырдаппыттара. Нэһилиэкпитигэр биир ыраах сытар учаастактаахпыт. Онно бэҕэһээ тахсан болдьоҕун иннинэ баар олохтоохтору быыбардаттыбыт”,- диэн быыбар хамыыһыйатын бэрэссэдээтэлэ Прасковья Бубякина сырдатта.
«Амма олоҕо» хаһыат