Олоҥхо дэкээдэтин чэрчитинэн Бөтүҥнээҕи С.Я. Левин аатынан норуот айымньытын киинигэр СӨ култууратын уонна үөрэҕин туйгуна, Софья Сидорова аатынан бэлиэ, «Амма киэн туттуута», «СӨ норуотун уус-уран айымньытын сайдыытыгар тус кылаатын иһин» бочуоттаах бэлиэлэр хаһаайыннара, Бөтүҥ нэһилиэгин бочуоттаах гражданина Анисия Даниловна Софронова туһунан «Олоҥхоҕо анаммыт олох» диэн кинигэ сүрэхтэннэ.
Кинигэ Амма улууһугар Олоҥхо сылынан уонна Анисия Даниловна салайбыт «Оллоон» фольклор көрдөрүүлээх бөлөҕө тэриллибитэ 25 сылын көрсө бэчээттэнэн тахсыбыта. Биһирэмҥэ үгүс киһи Анисия Даниловна туһунан истиҥник-иһирэхтик ахтан-санаан аастылар.
Ол курдук, улуус мунньаҕын дьокутааттарын сэбиэтин салайааччыта Владимир Колосов, нэһилиэк дьаһалтатын баһылыга Алексей Никитин, Амма улууһун култуураҕа уонна норуот айымньытын салалтатыгар норуот тылынан уус-уран айымньытын исписэлииһэ Анна Кириллина, А.Черемных аатынан оҕо ускуустубатын оскуолатын дириэктэрэ Любовь Заварзина, кинигэ матырыйаалын хомуйан бэчээккэ бэлэмнээбит бөлөх: Н.Е.Иванов аатынан орто оскуола дириэктэрэ Акулина Иванова, дириэктэри научнай үлэҕэ солбуйар Мария Иванова, саха тылын, литэрэтиирэтин учуутала Анастасия Лазарева, научнай-методическай уонна тас сибээскэ үлэҕэ Олоҥхо киинин сүрүннүүр үлэһитэ Ульяна Флегонтова, биир дойдулаахпыт Уус-Майаҕа тыа хаһаайыстыбатыгар улуус баһылыгын солбуйааччыта Саргылана Борисова, олохтоох дьаһалта сүрүн исписэлииһэ Тамара Давыдова, ону сэргэ үөрэппит оҕолоро С.Я.Левин аатынан норуот айымньытын киинин дириэктэрэ Анна Яковлева, киин уус-уран салайааччыта Саина Попова, «Оллоон» фольклор оҕо көрдөрүүлээх бөлөҕүн салайааччыта Софья Иванова, Анисия Даниловна төрөппүт уола Вадим Соловьев, балта Мария Жиркова. Биһирэми «Оллоон» фольклор көрдөрүүлээх бөлөҕүн иитиллээччилэрэ бэйэлэрин ырыаларынан-тойуктарынан, олоҥхонон киэргэттилэр. Тэрээһини С.Я.Левин аатынан норуот айымньытын киинин исписэлииһэ Светлана Неустроева иилээн-саҕалаан ыытта.
Светлана НЕУСТРОЕВА