Бу нэдиэлэҕэ Үлэ Дьоруойа П.И.Яковлев аатынан Амма Наахара орто оскуолатыгар Олоҥхо ыһыаҕын көрсө олоҥхо күнүн бэлиэтээн араас таһымнаах күрэхтэр, тэрээһиннэр ыытылыннылар.
Бүгүн олоҥхо күнүн үөрүүлээхтик бэлиэтээтибит. 2 кылаас олоҥхоһут оҕолоро Юрий Борисов «Баһырҕастаах аттаах Баабый Баатыр» олоҥхоттон быһа тардан ааҕан иһитиннэрдилэр. Дьоро чааска нэһилиэккэ олоҥхону, сахалыы тыыны уһуйаан саастан оҕо этигэр-хааныгар иҥэрэр «Үрэйэчээн» фольклорнай бөлөх салайааччыта Туяра Захаровна Мартынова алгыс тылын, эҕэрдэтин тириэртэ.
«Герои эпоса Олоҥхо» уруһуй күрэҕэ түмүктэннэ. Барыта 33 үлэ киирдэ. 1-2 кылаастарга 1 миэстэни Захаров Марк «Бухатыырдар охсуьуулара», 2 миэстэни Макаров Тимур «Абааһы кыыһа», 3 миэстэни Александров Саша «Олоҥхо бухатыыра» уруһуйдара ылла. 3-4 кылаастарга 1 миэстэни Гаврильева Ньургустаана «Уруйдан Орто дойду», 2 миэстэҕэ Александрова Аэлита «Кыыс Ньургун», Никифорова Аяна «Туйаарыма Куо», 3 миэстэ Макаров Шамиль «Айанна тургутуу», Иванов Вася «Абааһы бухатыыра Туйаарыма Куону былдьаан барыыта» уруһуйдар буоллулар. 5-6 кылаастарга 1 миэстэ Пахомова Сайнаара «Туйаарыма Куо», 2 миэстэ Михайлова Алгыстаана «Олоҥхо бухатыыра», 3 миэстэ Заборовская София «Үс дойду» уруһуйдара таҕыстылар.7-8 кылаастарга 1 миэстэҕэ Яковлева Далаана «Олоҥхоһут», Ефремов Эрхан «Аал луук мас», 2 миэстэҕэ Алексеева Амелия «Бухатыыр ата», Мартынова Алгыстаана «Орто дойду олохтоохторо», 3 миэстэҕэ Павлов Айаал «Орто дойду» уруһуйдара тахсан оҕолорбут олоҥхону сөбүлээн ааҕалларын, интириэһиргииллэрин көрдөрдө.
Олоҥхо күнүн көрсө Ийэлэргэ аналлаах тэрээһиҥҥэ «Сахалыы олбох тигиитэ» күрэх ыытылынна. Барыта 21 олбоҕу ийэлэрбит сылаас илиилэринэн тигэн оскуолаҕа сахалыы муннукка бэлэх ууннулар. Нэһилиэк иистэнньэн ийэлэрэ Константинова Александра Тихоновна, Алексеева Светлана Николаевна, Макарова Раиса Андреевна курэҕи дьүүллээтилэр.
«Кыбытык тигии» олбох тигиитигэр 1 миэстэни Степанова Алена Вячеславовна, 2 миэстэни Макарова Марина Спартаковна, 3 миэстэни Захарова Светлана Валерьевна ылан тигэр дьоҕурдаахтарын көрдөрдүлэр. «Массыынанан тигии» олбох күрэҕэр 1 миэстэни Унарова Екатерина Николаевна, 2 миэстэҕэ Александрова Аля Викторовна, Александрова Людмила Трофимовна, 3 миэстэҕэ Яковлева Мария Васильевна, Никифорова Сахая Валерьевна, Мартынова Алена Егоровна, Пахомова Мария Павловна тахсан кыайыы кынаттаннылар. Тигиигэ «Кылаан кыайыылаах» үрдүк аатын Пахомова Мария Николаевна сүктэ.
Маннык тэрээһиннэр ыытыллан оҕону иитиигэ, омук олоҕун салҕааһыҥҥа күүс-көмө буолуо диэн бигэтик эрэниэҕиҥ.
Ирина Корякина – Олесова.