Дьокуускай куоракка „Дохсун“ спортивнай комплекска инбэлииттэр ортолоругар остуол тенниһигэр өрөспүүбүлүкэтээҕи күрэхтэһии буолан ааста. Амма улууһуттан биэс киһилээх хамаанда баран ситиһиилээхтик кыттан кэллэ.
Теннис күрэхтэһиитэ сүһүөхтэригэр хааччахтаах уонна истибэт дьон ортотугар ыытылынна. Улуус хамаандата сүһүөхтэригэр хаччахтаахтарга (ПОДА) хамаанда туруорда. Түмүккэ түөрт киһи бириистээх миэстэлэри ыллылар. Ол курдук кэлээскэлээх оонньооччуларга Михаил Неустроев бастакы миэстэ, туран эрэ оонньооһуҥҥа Ньургун Непомнящай бастакы миэстэ, Семен Килбясов иккис миэстэ уонна Зоя Павлова үһүс миэстэ буолан Аммаларын былааҕын күөрэччи ууннулар. Быйылгы чемпионакка 51 хамсанар сүһүөхтэригэр хааччахтаах, 40 истибэт дьон, уопсайа 15 улуустан кэлэн кытыннылар.
„Улахан үөрүбүт диэн Михаил Неустроевпытын адаптивнай спорт көрүҥнэригэр Саха өрөспүүбүлүкэтин остуол тенниһигэр федерациятын вице-президенинэн оҥорбуттара буолла. Онон күрэхтэһииттэн үөрэн-көтөн кэллибит“, — диэн Семен Килбясов сонунун үллэстэр.
Кыайыылаах дьоммутун эҕэрдэлиибит!
«Амма олоҕо» хаһыат