47-с нүөмэрдээх Сулҕаччытааҕы быыбардыыр учаастак сарсыарда 8 чаастан үлэтин саҕалаата. Ханна да буоларын курдук, бастакынан быыбар учаастагын боруогун саастаах дьон атыллаатылар. Гражданскай иэстэрин толорон быыбардыыр бюллетень нөҥүө санааларын этиннилэр, инники сайдар суолларын тэллилэр.
Сулҕаччы нэһилиэгин бочуоттаах олохтооҕо, СР үөрэҕириитин туйгуна, педагогическай үлэ ветерана Зоя Петровна Рязанская биир бастакынан куолаһын биэрдэ. Уонна биир дойдулаахтарын быыбардыыр учаастакка кэлэн өрөспүүбүлүкэлэрин, улуустарын инники сайдыытын түстүүргэ ыҥырар.
