Амма улууһун “Амарах сүрэх” уопсастыбаннай хамсааһын анал байыаннай дьайыыга сылдьар битир дойдулаахтарбытыгар гуманитарнай көмө оҥоруутугар, харыстанар сиэккэлэри баайыыга матырыйаал ылыытыгар Амма нэһилиэгин түөлбэлэрэ өйөбүл буолалларыгар ыҥырыы сурук суруйбута. Бу ыҥырыыны түөлбэлэр ылынан, бу күннэргэ көмө харчыларын туттардылар.
“Биһиги көрдөһүү сурукпутун өйөөбүт бары Амма нэһилиэгин түөлбэлэригэр бэйэбит махталбытын тириэрдэбит. Киллэрбит түөлбэлэр испииһэктэрин отчуот быһыытынан олохтоох хаһыаппытыгар таһаарыахпыт. Ол курдук кинилэр хайа кыалларынан 128.550 сууманы хомуйан биэрдилэр. Бу харчыга биһиги уолаттарбытыгар наадалаах тэриллэри, бородууктаны уонна сиэккэ баайыыга матырыйаал атыылаһабыт. Түөлбэлэртэн киирбит көмө харчы бу алтынньы ыйга гуманитарнай көмө быһыытынан анал байыаннай дьайыы буола турар сиригэр айанныа. Үтүө санаалаах дьоммут баар буолан, бу барыта кыаллар” – диэн түмсүү салайааччыта Римма Васильевна сырдатар.
“Амма олоҕо” хаһыат