Бу күннэргэ Баһылай Манчаары аатынан «Модун» успуорт национальнай көрүҥнэрин киинигэр Федор Дегтярев аатынан СӨ мас-рестлиҥҥэ абсолютнай чөмпүйэнээт уолаттарга, дьахталларга уонна эр дьоҥҥо ананна. Бу сылы түмүктүүр тыҥааһыннаах күрэххэ уолаттарга абсолютнай кыайыылааҕынан Амматтан Александр Крюков таҕыста.
Саша Крюков И.И. Константинов-Дэлэгээт Уйбаан аатынан Сулҕаччы орто оскуолатын 10-с кылааһын үөрэнээччитэ. Кинини спорт бу көрүҥэр 2022 сыллаахтан Андрей Иннокентьевич Варламов уонна Степан Поликарпович Сутаков дьарыктаан саҕалаабыттара. Билигин кини Амма улууһун сүүмэрдэммит хамаандатыгар киирэр. Тренердэрэ Владимиров Афанасий Афанасьевич уонна Барашков Андрей Анатольевич дьарыктаан улахан ыйааһыҥҥа киирсэр.
Саша Крюков ситиһиитэ элбэх. Аҥаардас быйылгы 2024 сыллааҕы ситиһиилэрэ: мас-рестлиҥҥэ “Кубок Федерации” республикатааҕы күрэххэ эдэр мадьыны Амма сүүмэрдэммит хамаандатыгар киирэн, хамаанданан бастаан чемпион аатын ыллылар. Бэйэтин ыйааһыныгар өрөспүүбүлүкэтээҕи “Спортивные якутяне” турнирга 2-с миэстэ, онтон Мэҥэ-Хаҥалас Төҥүлүтүгэр ыытыллыбыт күрэххэ чемпион үрдүк аатын ылбыта. Саша дэгиттэр талааннаах спортсмен, кини хапсаҕай, көҥүл уонна греко-римскэй тустуу курдук уустук спорт көрүҥнэринэн ситиһиилээхтик дьарыктанар. Биир дойдулаахтара уолбутугар инникитин спортка уонна үөрэххэ үрдүктэн үрдүк ситиһиилэри баҕарабыт.
Елена Попова.