Сатаҕай нэһилиэгэр Арассыыйа Бэрэсидьиэнин быыбарын үһүс күнэ сарсыарда 8 чаастан саҕаланна. 59 №-дээх быыбардыыр учаастакка Василий Борисов бэрэссэдээтэллээх хамыыһыйа үлэлиир.
«Амма улууһун Сатаҕайдааҕы 59 нүөмэрдээх быыбардыыр учаастакка испииһэккэ 402 быыбардааччы киирбитэ, онтон 134 быыбардааччы сайабылыанньа суруйан билиҥҥи кэмҥэ олорор сирдэригэр быыбардыыллар. Сатаҕай сиригэр-уотугар прописката суох быыбарга кыттыан баҕалаах 25 быыбардааччы сайабылыанньа суруйан эбии списокка киирбиттэрэ. Бүгүн сарсыарда 9 аҥаар чаас туругунан куоластааһын бырыһыана 80,48% буолла, быыбардааччы ахсаана 240, ол иһигэр дьиэҕэ быыбардаабыттар 4 киһи баар», — диэн хамыыһыйа бэрэссэдээтэлэ Василий Борисов иһитиннэрэр.
Дойдубут Бэрэсидьиэнин быыбардыыр бүтэһик күммүтүгэр дьоммут-сэргэбит биир санаанан улууспут, нэһилиэкпит сайдыытыгар көхтөөхтүк кыттыаҕыҥ.
Христина СКРЯБИНА