Алтынньы 28 күнүгэр Аан дойдутааҕы оскуола бибилэтиэкэлэрин күнүн бэлиэтиэхпит. Бу бэлиэ күнүнэн оскуолабытыгар араас тэрээһиннэр буолаллар. Ол курдук кинигэ быыстапкалара, квест оонньуулар, көрсүһүүлэр, өйтөн суруйуу күрэхтэрэ ыытылыннылар.
Арассыыйа суруналыыстарын сойууһун чилиэнэ, олохтоох кыраайы үөрэтээччи, хас даҕаны кинигэ ааптара Иван Адамовы — Айдын Мургуну кытта көрсүһүү, аһаҕас кэпсэтии буолла. Иван Николевич биһиги нэһилиэкпит сайдыытыгар, нэһилиэкпит историята дьаарыстанарыгар, сурукка тиһиллэн хааларыгар элбэҕи үлэлээбит киһи буоларын быһыытынан, кэпсэтии кинигэ, кинигэни ааҕыы туһунан буолла уонна оҕолор араас ыйытыыларыгар хоруйдаата.
Икки нэдиэлэ устата оҕолор «С любовью о книге» диэн сөбүлээн аахпыт кинигэлэрин, суруйааччыларын уонна бибилэтиэкэ туһатын туһунан өйтөн суруйууга кытыннылар. Барыта 38 үлэ киирдэ. Алын сүһүөххэ барыта 12 өйтөн суруйуу киирбититтэн 4 оҕо үлэтэ бастыҥнарынан ааттаннылар.
Максим Гуляев, 3 кылаас үөрэнээччитэ: “Мин кинигэни ааҕарбын сөбүлүүбүн. Дьиэбэр ийэбин эбэтэр эдьиийбин Валяны кытта ааҕабын. Кинигэни ааҕар үчүгэй. Өйтөн суруйууга миэстэлэспиппиттэн үөрэбин. Мин улааттахпына худуоһунньук эбэтэр аҕам курдук үлэһит киһи буолуом”
Аселя Дордосова, 4 кылаас үөрэнээччитэ: “Кинигэни ааҕарбын сөбүлүүбүн. Саамай сөбүлээн аахпыт кинигэм “Күөрэгэй” диэн. Өйтөн суруйууга сөбүлээн аахпыт кинигэм туһунан суруйдум уонна 3 миэстэ буоллум. Харчынан бириэмийэ ылан үөрдүм. Оҕолор кинигэни элбэхтик ааҕыҥ, оччоҕуна киэҥ билиилээх дьон буолуоххут”.
“Бибилэтиэкэ –кинигэ дьиэтэ. Мин бибилэтиэкэҕэ бастакы кылаастан сылдьабын. Саамай сөбүлээн аахпыт кинигэм “Үс эһэлэр” диэн. Оскуолабыт бибилэтиэкэрэ Христина Егоровна диэн. Улахан бибилэтиэкэбит икки этээстээх. Онно Раиса Романовна уонна Анна Ксенофонтовна үлэлииллэр. Кыра оҕолор кинигэлэрэ иккис этээскэ баар. Остуоруйа арааһа элбэх. Бибилэтиэкэ туох туһалааҕый диир буоллахха, кинигэни ааҕар наһаа наадалаах. Оччоҕуна барытын билэр буолаҕын. Кинигэ-билии кылаата диэн уруокка учууталым эппитэ. Мин бибилэтиэкэҕэ элбэхтик сылдьабын уонна ийэм кинигэ бөҕөтүн атыылаһар”- диэн өйтөн суруйууга иккис миэстэни ылбыт Саина Шишигина санаатын этэр.
Онтон өйтөн суруйуу кыайыылааҕа 4 кылаас үөрэнээччитэ Вика Аммосова маннык санаалаах: “В нашем классе есть большой шкаф, наполненный книгами. Мне очень понравилась одна большая книга. Название книги “Волшебный мир колокольчика”. Она мне так понравилась и я попросила у Степаниды Анатольевны одолжить эту книгу на дом. На каждой странице этой книги есть веселые стихи, волшебные сказки, мудрые истории, а самое главное, что меня больше заинтересовало, то что можно играть. Мы с мамой играли бумажными куклами, как будто кукольный театр. Теперь я знаю, что каждая страница этой книги – это не просто слова, а дверь в мир, где нет границ для фантазии и любви”.
Христина СКРЯБИНА