Сатаҕай нэһилиэгэр баһылыгын болдьоҕун иннинэ быыбардааһын ыытылла турар Манна барыта 3 кандидат турбута. Учаастак бэрэссэдээтэлэ Василий Борисов иһитиннэрбитинэн, күнүс 15 чаас туругунан 228 киһи куоластаан, быыбардааччы 63,16 бырыһыаҥҥа тэҥнэстэ.
“Биһиги учаастаакпыт сарсыарда 8 чаастан аһыллан үлэтин саҕалаабыта. Быыбардыыр испииһэккэ чуолкайдааһын түмүгүнэн 361 киһи киирбитэ. Эбиэттэн киэһээҥҥи дааннайнынан 228 киһи быыбардаата. Мантан 44 киһи эрдэ куоластаабыта. Араас биричиинэнэн дьиэлэригэр куоластааһыҥҥа 14 киһи сайпабылыанньа биэрбитэ. Быйылгы быыбарга саамай эрдэ кэлэн бастакынан коммунальнай хаһаайыстыба сыбаарсыга Ариан Яковлев быыбардаабыта.
Нэһилиэкпит саамай саастаах быыбардааччыта ытыктабыллаах, 90 саастаах Семен Семенович Яковлев буолар. Саамай эдэр быыбардааччыбыт 18 саастаах Александр Никитин аан бастакытын быыбардыыр быраабынан туһанна”, — диэн бэрэссэдээтэл Василий Борисов билиһиннэрдэ.
“Амма олоҕо” хаһыат